Ў збекистон республикаси мактабгача таълим вазирлиги

кутилаётган натижа - болаларда кутилаётган билим, кўникма ва малакалар кўрсаткичи;
бола компетенцияси - маълум бир ёш даврига хос бўлган вазифаларни мақсадли бажариш учун етарли бўлган боланинг билими, кўникмаси ва малакалари ҳамда қадриятлари;
интеграция - бола таълими ва ривожланишидаги мазмун таркибий қисмлари ўртасидаги боғлиқлик;
инклюзив таълим - болаларнинг алоҳида таълим эҳтиёжлари ва индивидуал имкониятларини инобатга олган ҳолда таълим ва тарбия олинишини тенг таъминловчи жараён;
«Мен» концепцияси - болани ўзи ҳақидаги англанган тасаввурлари тизими, унинг рефлексив фаолиятини бир қисми;
рефлексив фаолият - болада ўз тушунчалари ва хатти-ҳаракатларини англаш ва мустақил таҳлил қилиши асосида хулосалар шаклланиши жараёни.
Давлат талабларининг тузилмаси Давлат талаблари бола ривожланиши соҳаларининг интеграциялашувини кўзда тутади ва боланинг ривожланишига ёрдам беради.
Давлат талаблари туғилишдан то 7 ёшгача бўлган болаларнинг ривожланишидаги бешта асосий соҳаларга бўлинади. Ўз навбатида, ривожланишнинг ҳар бир соҳаси кичик қуйи соҳаларга ажратилган бўлиб, улар ҳар бир ёш гуруҳига мос келадиган бир нечта талаблар (ривожланишдан кутилаётган кўрсаткичлар) дан иборатдир.

2. Давлат талабларининг бобларининг мазмун ва моҳияти ҳамда асосий тушунчалари
Давлат талаблари бола ривожланишининг қуйидаги соҳаларида белгиланади:
(Тингловчиларга мурожаат этиб, улардан ривожланиш соҳалари ва кичик соҳаларини айтиб беришларини илтимос қилиши мумкин. Ҳар бир столдагилар кичик соҳага мувофиқ бўлган соҳалардан бирини айтади):
1.«Жисмоний ривожланиш ва соғлом турмуш тарзини шакллантириш» соҳаси қуйидаги қуйи соҳаларга тақсимланади:

• 
  йирик моторика;
  
• 
  майда моторика;
  
• 
  сенсомоторика;
  
• 
  соғлом турмуш тарзи ва хавфсизлик.
  

2. «Ижтимоий-ҳиссий ривожланиш» соҳаси қуйидаги қуйи соҳаларга тақсимланади:

• 
  «Мен» концепцияси;
  
• 
  ҳиссиётлар ва уларни бошқариш;
  
• 
  социализация, катталар ва тенгдошлар билан мулоқот қилиш.
  

3. «Нутқ, мулоқот, ўқиш ва ёзиш кўникмалари» соҳаси қуйидаги қуйи соҳаларга тақсимланади:

• 
  нутқ ва тил;
  
• 
  ўқиш кўникмалари;
  
• 
  қўл панжаларининг майда моторикаси.
  

4. «Билиш жараёнини ривожлантириш» соҳаси қуйидаги қуйи соҳаларга тақсимланади:

• 
  интеллектуал-билим орттириш кўникмалари;
  
• 
  элементар математик кўникмалар;
  
• 
  ўрганиш-билим орттириш ва унумли рефлексив фаолият.
  

5. «Ижодий ривожланиш» соҳаси қуйидаги қуйи соҳаларга тақсимланади:

• 
  оламни бадиий кўриш;
  
• 
  бадиий-ижодий қобилиятлар.