Ў збекистон республикаси мактабгача таълим вазирлиги

I II. ЎҚУВ МАШҒУЛОТЛАРИ МАТЕРИАЛЛАРИ

1. 
   Мавзу: Ўзбекистон республикаси илк ва мактабгача ёшдаги болалар ривожланишига қўйиладиган Давлат талабларининг мазмун ва моҳияти
   
2. 
   Режа:
   

1. 
   Ўзбекистон Республикаси илк ва мактабгача ёшдаги болалар ривожланишига қўйиладиган Давлат талабларининг мақсад, вазифа, тамойиллари
   
2. 
   Давлат талабларининг бобларининг мазмун ва моҳияти ҳамда асосий тушунчалари
   

1. Ўзбекистон Республикаси илк ва мактабгача ёшдаги болалар ривожланишига қўйиладиган Давлат талабларининг мақсад, вазифа, тамойиллари
Давлат талаблари муайян, ўлчанадиган ва содда индикаторлар жамланмасини намоён қилиб, улар педагогларга ҳар бир ёш гуруҳида ривожланишнинг ҳар бир соҳаси бўйича болани кузатиб боришга бола ривожланишига қўйиладиган давлат талабларига нисбатан боланинг ривожланишини баҳолашга имкон беради. Бундан ташқари, Давлат талаблари педагогларга бола ривожланишини таъминлашда педагогларга ёрдам беришга қаратилган таълимий фаолият ва машғулотлар турларининг тавсифини ҳам беради. Давлат талаблари МТТларда педагоглар томонидан болаларни ўқитиш ва уларнинг ривожланишини тартибга солиш борасидаги иккита энг муҳим ҳужжатлардан бири саналишини ҳисобга олган ҳолда бу ҳужжатнинг қисқача шарҳланиши муҳим ва зарурлигини таъкидлаш.
Давлат талаблари, уларнинг тузилмаси ва мазмунининг шарҳи
Умумий қоидалар Давлат талаблари, идоравий мансублиги ва мулкчилик шаклларидан қатъи назар, Ўзбекистон Республикаси ҳудудида жойлашган қуйидаги таълим муассасаларида фойдаланиш учун мажбурийдир¹:

• 
  давлат МТТда;
  
• 
  нодавлат МТТда;
  
• 
  мактабгача гуруҳлари мавжуд бўлган «Меҳрибонлик» уйларида;
  
• 
  мактабгача ва бошланғич мактаб таълими тизимлари учун кадрларни тайёрлайдиган ўрта махсус, касб-ҳунар ва олий ўқув юртларида;
  
• 
  мактабгача ва бошланғич мактаб таълими тизимидаги педагог кадрларининг малакасини ошириш ва қайта тайёрлашни амалга оширадиган муассасаларда;
  
• 
  мактабгача ёшдаги болалар тарбияланадиган оилаларда.