Қ. Муртазоев кўчаси, 11-уй

Автоматлаштирилганлик даражасига кўра ўлчаш воситалари қуйидагиларга бўлинади:
- ўлчаш натижаларини қайта ишлаш, уларни қайд қилиш, маълумотларни
узатиш ёки бошқарувчи сигнални ишлаб чиқиш билан боғлиқ бўлган барча операцияларни автоматик тарзда амалга оширувчи автоматик (Масалан, ГИПЕРФЛОУ-3ПМ газ сарфўлчагичи, FloBoss 407 сарф назоратчиси, Ремиконт Р-130 микропроцессорли назаратчи);

• 
  ўлчов операцияси ёки унинг бир қисмини автоматик тарзда амалга оширувчи автоматлаштирилган (Масалан, намликни ва ҳароратни ростловчи-датчик-регулятор, босим датчиклари);
  
• 
  автоматик тарзда ўлчаш ва унинг натижаларини қайта ишлаш учун тегишли қурилмаси бўлмаган ноавтоматик (Масалан, шайтонлар, бурчак ўлчагичлар, металл ўлчаш чизғичи).
  

Стандартлаштирилганлиги бўйича ўлчаш воситалари қуйидагиларга бўлинади:

• 
  стандартлаштирилган – давлат ёки соҳа стандарти талаблари бўйича тайёрланган;
  
• 
  стандартлаштирилмаган – махсус ўлчашлар учун мўлжалланган, стандартлаш талабига эҳтиёж бўлмаган ноёб ўлчаш воситалари. Стандартлаштирилмаган ўлчаш воситалари давлат синовларидан (текширувидан) ўтказилмасдан метрологик аттестациялардан ўтказилади.
  

Ўлчаш асбоблари асосан ўлчанадиган катталиклар турига кўра классларга бўлинади. Шу боис ўлчаш учун мўлжалланган асбоблар шартли равишда қуйидаги каби номланади:

• 
  ҳарорат — термометрлар ва пирометрлар;
  
• 
  чизиқли ўлчашлар — чизғичлар, штангенциркуллар, микрометрлар;
  
• 
  босим ва сийраклашиш — манометрлар, вакуумметрлар ва барометрлар;
  
• 
  концентрация, газлар таркиби — газоанализаторлар;
  
• 
  миқдор ва сарф — сарфўлчагичлар, ҳисоблагичлар ва тарозилар;
  
• 
  суюқлик сатҳи — сатҳ ўлчагич ва сатҳни кўрсатувчилар;
  
• 
  металлдаги нуқсонлар — дефектоскоплар, қалинлик ўлчагичлар;
  
• 
  ҳавонинг намлиги — психрометрлар.