— Mektepge shekemgi tálim baǵdarı 3-kurs Orinladi: Maxsetova Ayjamal. Qabilladi: Ergaliyeva Janar. Nukus -2023 Mazmunı

Kurs jumıstıń maqseti: Mektepke tayarlıq - bul jetekshi iskerlik sheńberinde, yaǵnıy oyında qáliplesetuǵın oqıw iskerligin ózlestiriwdiń social hám kommunikativ shárti bolıp tabıladı. Pedagogikalıq miyraslardı analiz qılıw sonı kórsetti, mudamı oqıtıwshılar mektepke tayarlıq haqqında óz pikirlerin bildirgen. Bul balalar ómirin tuwrı shólkemlestiriw, olardıń qábiletlerin waqıtında rawajlandırıw, sonıń menen birge, mektepke hám oqıwǵa qızıǵıwshılıqtı oyatıwdan ibarat bolıwı kerek, hám toparda balalar ushın oyınnan kóre jaqınlaw, túsinikli hám jaǵımlı zat joq ekenligi sebepli, bul tayarlıq da oyın arqalı ótiwi kerek. Mektepke shekemgi
jastaǵı balalarǵa tálim - tárbiya beriwde mektepge shekemgi tárbiya balalarda syujetli-rolli oyınlardı qáliplestiriwge tiyisli ilimiy - metodikalıq ádebiyatlardı teoriyalıq úyreniw jáne onıń natiyjeliligin asırıwǵa xızmet etiwshi ilimiy-metodikalıq usınıslar islep shıǵıw.
Kurs jumıstıń obyekti: mektepke shekemgi tárbiya balalarda syujetli-rolli oyınlardı qáliplestiriwdiń wazıypaların úyreniw processi.
Kurs jumısı dúzilisi: Izertlew jumısı tómendegi bólimlerden ibarat : Kirisiw 2 bap Juwmaq hám paydalanılǵan ádebiyatlar kestesi.

I.1. Mektepke shekemgi jastaǵı balalarda oyın
Mektepke barıw hár bir balanıń turmısındaǵı zárúrli basqısh bolıp tabıladı. Hesh kimge sır emes, kóplegen balalar mektepke, jańa kún rejimine, jámáátke, oqıtıwshına iykemlesiw dáwirinde qıyınshılıqlarǵa dus kelisedi. Balanıń mektepke munasábeti mektepke barıwdan aldın qáliplesedi. Janede bul jerde mektep haqqında maǵlıwmat jáne onı mektepke shekemgi tálim shólkeminiń ata-anaları hám tárbiyashilari tárepinen usınıs etiliwi zárúrli ról oynaydı. Psixologiyalıq hám pedagogikalıq izertlewlerde balanıń mektepke arnawlı hám ulıwma tayınlıǵı máseleleri kórip shıǵıladı. Ilimpazlardıń pikirine kóre, psixologiyalıq tayarlıqtıń táreplerinen biri bul topar balanıń bolajaq tálimge jeke tayınlıǵı bolıp, ol úyreniw motivlarında, balalardıń mektepke, oqıtıwshına, mektep wazıypalarına hám oqıwshınıń pozitsiyasina munasábeti menen ańlatpalanadı, óz minez-quliqların sanalı túrde baqlaw qábiletinde. Balalardıń intellektuallıq rawajlanıwınıń joqarı dárejesi mudamı da olardıń mektepke jeke tayınlıǵı menen uyqas kelmeydi. Mektepke shekemgi jastaǵı balada bolıwı múmkin. Mektepke shekemgi jastaǵı balalarda oyın ele da jetekshi iskerlik bolǵanlıǵı sebepli, biz balalardı oyın texnologiyaları járdeminde mektepke tayarlaw qolaylaw ekenligin kóremiz. Balanıń ósiwi hám hár tárepleme rawajlanıp barıwı bárha dawam etetuǵın process bolıp tabıladı. Onıń shaxs retinde qáliplesiwi, dáslepki bar álemdi átirapındaǵı shiykizat hám buyımlar arqalı ańlap, odan ózinshe mánis tabıwına umtılıwı, qızıǵıwshılıqı hám sezimleriniń rawajlanıwın olar oynap atırǵan oyınları arqalı baqlaw múmkin. Mektepke shekemgi jastaǵı bala ushın bul - sezimi bayıtılǵan hám aqıl etilgen tárizde úyreniw ushın ideal saxna bolıp tabıladı. Saxna oyını balanı hár tárepten rawajlantıradı. Biraq, mektepke shekemgi tálim jasındaǵı balalar turmısta kórgen waqıya-qubılıslardı adamlarǵa eliklew etip oynaydı. Balalar adamlarǵa eliklew arqalı real turmıslıq mashqalalardi sheshiwge orınadı. Óz keshirmelerin tákirarlaydi, qayta oynaydı hám janlandıradı. Nátiyjede, saxna oyını balanıń basqalar menen óz-ara sheriklik etiwge uqıplı bolǵan shaxs dárejesine ósip rawajlanıwına kómek beredi. Saxnalastırılǵan oyınlardıń áhmiyetli táreplerinen biri sonda, olar arqalı bala kórkem obrazdı aqıl ete biliwdi úyrenedi, personajlar háreketin baqlaw qábiletin rawajlanıp baradı. Muzıkalıq, sóz, kóriw obrazlarınan paydalanǵan halda zárúr bolǵan psixik sapaların (aqıl qılıw, kóz aldına keltiriw, dıqqat, oylaw), atqarıwshılıq kónlikpelerin (rólge kirisiw, kóz aldına keltiretuǵın ortalıqta háreketleniw kónlikpesi) hám sezimleri (bulshıq et hám sezimi) rawajlanıw ushin saxna shınıǵıwları ótkeriledi.