” kafedrasi ona tili o’qitish metodikasi fanidan

Dars mavzusi: ”Oltin kuz” ertagi.
Dars maqsadi:
a) o’quvchilarga ertakning mazmun-mohiyatini ochib berish, matnni ifodali, ketma-ketlikka rioya qilgan holda o’qib, gapirib berishga o’rgatish. ”Atigi”, ”tinmay” ”salqinlatib” so’zlarining ma’nosini tushuntirish.
b) estetik tarbiya berish, ularni mehnatsevarlik, halollik, mehribonlikka o’rgatish. Ma’naviy, ma’rifiy, ekologik, iqtisodiy bilim berish, vatanparvarlik ruhida tarbiyalash.
s) ta’limiy o’yinlar orqali o’quvchilarning darsda faolligini oshira borib kasbga yo’naltirish, konstitutsiyaviy bilimlarini kengaytirish, ko’cha harakati qoidalarini, yong’in xavfsizligi oyligi haqida o’rganganlarini mustahkamlash.
d) DTS ga asosan reyting usulidabbaholash.
Darsning uslubi: O’yin, musobaqa.
Dars jihozi: Turli rasmli ertaklar, texnika vositasi, ertak qahramonlari, ”O’zbek xalq ertaglari” kitobi, ”Oltin kalit” lar, sehrli sandiq, Navro’zoy.
Darsda qo’llaniladigan interfaol usullar: ”Klaster”, ”Aqliy hujum”, savol-javob, test, ijodiy ish, ”Venn diagrammasi”, ”T” usulidagi musobaqa, sahna ko’rinishi.
Darsning borishi: Tayyorlov bosqichi.
O’quvchilar yarim aylana bo’ylab turadilar.
O’qituvchi: -Qani, o’quvchilar darsimizga tashrif buyurgan mehmonlar bilan salomlashaylik.
O’quvchilar (bir-birlari bilan ko’rishib, she’r aytishadi):
-Omonmisiz, esonmisiz,
Bugun bizga mehmonmisiz.
Qani, qani,qo’lni bering,
Xush ko’rdik biz, to’rga o’ting.
O’qituvchi ob-havo va sanani, shuningdek, o’tilgan mavzuni so’raydi.
-Bolalar bo’lim yuzasidan takrorlash uy vazifasi qilib berilganligi haqida aytadilar.
O’qituvchi (bolalar diqqatini doskadagi rasmlarga qaratadi):
Bolalar, bugun qaysi mavzu haqida suhbatlashamiz.
O’quvchilar: -Ertaklar haqida.
O’qituvchi bolalarning xalq og’zaki ijodi, uning namunalari to’g’risida fikrlarni eshitadi. Shundan so’ng, navbatdagi topshiriqni beradi: (o’qituvchining qo’lida turli rangdagi geometrik shakllar bo’ladi).
-Siz mening qo’limdagi ranglardan tanlab olasiz va guruhlarga bo’linasiz. Har bir guruh o’zi tanlagan rangdagi stol atrofiga borib o’tiradi. Men har bir guruhga bittadan kalit shaklini beraman. Siz dars davomida olgan jetonlaringiz bilan kalitni to’ldirib borasiz. Dars so’ngida birinchi bo’lib kalitni to’ldirgan guruh sehrli sandiqni ochishga muyassar bo’ladi va g’oliblar uchun atalgan maxsus sovg’ani qo’lga kiritadi. O’quvchilar rang tanlaydilar va o’z o’rinlarini egallaydilar 5 guruhga bo’linadilar: