“ фаол тадбиркорлик, инновацион ғоялар ва технологияларни қЎллаб-қувватлаш йили”

Илмий ишнинг долзарблиги:Аччиқ эрмон ошқозон ичак тракти функцияси бузилганда, 
гипоацид гастритларда, жигар, ўт-пуфак касалликлари, малярия, грипп, уйқусизлик, грипп 
ва бошқа ҳолатларда буюрилади. Ўрта Осиё халқ табобатида бавосир, эпилепсия, гижжа ва 
оғиз бўшлиғи касалликларида тавсия қилинган. Бентонитлар табиий адсорбентлар бўлиб 
ҳозирги пайтда илмий тиббиётда кенг қўлланилмоқда. Бентонитлар-нинг инерт адсорбентлар 
эканлиги уларни доривор ўсимликлар таркибидаги биофаол моддаларни ажратиб олишда ва 
улардан янги дори шакллари яратишда аҳамиятга эга 
Ишнинг мақсади: маҳаллий бентонитлар сиртига аччиқ эрмон суюқ экстрактини адсорбция 
қилиш орқали янги дори дисперс системалари олиш ва таркибида биофаол моддалар тутган
бентонитлар гелларининг коллоид-кимёвий хоссаларини ўрганишдир. 
Амалиёт қисми Аччиқ эрмон таркибидаги биофаол моддаларни эритмага тўла ўтказиш 
мақсадида экстрагент сифатида сув ва 96 % ли этил спирти (1:1 нисбатда) олинди. Бунинг 
учун ўсимлик барглари ва поя қисмидан 10 г олиниб майдаланди, 1 мм лик элакдан 
ўтказилди. Майдаланган йиғмага, 100 мл экстрагент солинди ва сув ҳаммомида 30 - 45 
дақиқага ушлаб турилди, сўнгра экстракция тўла бориши учун бир суткага сақлаб қўйилди. 
Асосий моддаларнинг тўла ажралиб чиқиши учун экстракция жараёни 5 марта такрорланди, 
фильтратлар бирлаштирилиб умумий ҳажм 10 мл га келгунича сув ҳаммомида буғлатилди. 
Бентонит таркибидаги минераллардан ва тузлардан тозалаш учун кукун аввал суюлтирилган 
хлорид кислота (10%ли) сўнгра дистилланган сувда 2-3 марта ювилди ( сув ва қаттиқ фаза 
нисбати 20:1). Кейин қаттиқ фаза суюқ фазадан центрифуга ёрдамида ажратилди. Намуналар 
золдир тегирмонларда майдаланиб, 0,1 мм ли элакдан ўтказилди ва 413 К ҳароратда 
қуритилди. Тозаланган бентонит 40 % унум билан ҳосил бўлди.Турли концентрацияларда 
аччиқ эрмон суюқ экстракти бентонит сатҳига адсорбция қилинди. Бунинг учун 10 г 
бентонит кукунлари 0,01; 0,025; 0,05; 0,1; 0,2; 0,5;1,0 ва 2 г гача аччиқ эрмон суюқ экстракти 
билан ишлов берилди. Адсорбиланган бентонит 40
о
С ҳароратда аста-секинлик билан ( 1-2 
соат ичида) қуритилди, сўнгра доимий массага олиб келинди.