Қ а р о р жиноят ишида айбланувчи тариқасида иштирок этишга жалб қилиш ҳақида 2021 йил «13» март Пахтаобод шаҳри

Айбланувчи: И.Рахмонов


Ҳимоячи: О.Абдуллаев
Q A R O R
Jinoyat ishida ayblanuvchi tariqasida
ishtirok etishga jalb qilish haqida


2021 yil « 13 » mart Paxtaobod shahri

Paxtaobod tumani IIB huzuridagi Tergov bo‘limi tergovchisi katta leytenant I.P.Xaydarov, ish yurituvimdagi 032321/2021-13 sonli jinoyat ishi hujjatlari bilan tanishib chiqib, quyidagilarni,-

A N I Q L A D I M :

1989 yil 15 fevral kuni Paxtaobod tumanida tug‘ilgan Raxmonov Ilxom Isroiljonovich, Paxtaobod tumani Bobur MFY Diydor ko‘chasi 50-uyda yashab kelgani holda, jamiyatda biron-bir ijtimoiy foydali mehnat bilan shug‘ullanmasdan, qasddan jinoyat sodir etish yo‘liga kirib, sovuq qurol sifatida foydalanishi mukin bo‘lgan ashyolarni ishlatib, shaxsga badanning tuzalmaydigan darajada xunuklashishiga sabab bo‘lgan og‘ir tan jaroxati yetkazish hamda jismoniy azob bergan xolda zo‘rlik ishlatib g‘ayriqonuniy ravishda ozodlikdan maxrum qilish jinoyatlarni quydagi usul, vaqt va sharoitlarda sodir etgan.

Ya’ni u, 2021 yilning 30 yanvar kuni soat 03-30 ladan soat 10-00ga qadar bo‘lgan vaqt oralig‘ida, Toshkent shahri Olmazor tumani Qichqiriq MFY 60 uyning 38-sonli xonadonida shariy nikoh asosida turmush o‘rtog‘i fuqaro D.Abdujabborova, go‘yoki o‘zga shaxslar bilan ishqiy munosabatda yurganligiga gumon qilib, uni rashq qilib rashq oqibatida, xonadon eshiklarini qulflab qo‘llari va oyoqlarini buyurtma asosida Andijon viloyatidan yuborilgan arqon bilan bog‘lab, og‘zini skuoch bilan yopib, badanining yuz, bo‘yin va boshqa joylarini lezviya yordamida kesib, natijada D.Abdujjaborovaga nisbaan o‘tkazilgan 09.02.2021 yildagi №87-sonli va 09.03.2021 yildagi №01-qo‘shimcha-sonli qo‘shimcha sudga oid tibbiy ekspertiza xulosalariga ko‘ra, badanini tuzalmaydigan darajada xunuklashishiga olib kelgan xayot uchun xavfli bo‘lgan og‘ir turdagi tan jaroxati yetkazib, shu vaqt oralig‘ida uni xonadonda qo‘l va oyoqlari bog‘langan xolda saqlab, g‘ayriqonuniy ravishda jismoniy azob bergan xolda ozodlikdan maxrum qilgan.
Shunday qilib, Raxmonov Ilxom Isroiljonovich, o‘zining yuqoridagi g‘ayriqonuniy xatti-xarakatlari bilan ya’ni, sovuq qurol sifatida foydalanishi mukin bo‘lgan ashyolarni ishlatib, shaxsga badanning tuzalmaydigan darajada xunuklashishiga sabab bo‘lgan og‘ir tan jaroxati yetkazib hamda jismoniy azob bergan xolda zo‘rlik ishlatib g‘ayriqonuniy ravishda ozodlikdan maxrum qilib, O‘zbekiston Respublikasi Jinoyat kodeksi 104-moddasi 2-qismining «l» bandi va 138-moddasi 2-qismi «a» bandida ko‘rsatilgan jinoyatlarni sodir etgan.