Ҳ. А. АрFинбоев, Ҳ. У. Абдуллаев, А. М

4. Дала-тажриба усули. Бу усулда дала тажрибаларида махсус қурилмалар ва тадбирлар ёрдамида ўсимликларни парвариш қилишнинг агрометеорологик шароитларини сунъий равишда ўзгартилади (тажриба дастурига мувофиқ тупроқ ҳарорати ва намлиги, ёритилганлик жадаллиги ва давомийлиги ва бошқалар бошқарилади).
5. Фитотрон усули. Фитотрон сунъий иқлим ҳосил қиладиган қурилма бўлиб, ўсимликлар унинг ичида сунъий иқлим шароитида парвариш қилинади.
Уларда ўсимликларни ёруғлик, иссиқлик, намлик, газ таркиби ва озиқ моддаларнинг ҳар хил қийматларида парвариш қилинади ва турлича агрометеорологик шароитларнинг ўсимлик ўсиши, ривожланиши ва ҳосилдорлигига таъсири ўрганилади.
6. Масофадан туриб ўлчаш усули. Бу усулда вертолетлар, самолётлар ва Ер сунъий йўлдошларида ўрнатилган асбоблар ёрдамида катта майдонлардаги экинларнинг ҳолати, ҳарорат режими, намлиги ва бошқалар ўрганилади.
7. Математик моделлаш усули. Кейинги йилларда агрометеорологияда бу усул тез ривожланмоқда ва у агрометеорологик шароитларнинг ўсимлик ўсиши, ривожланиши ва маҳсулдорлигига таъсирини математик қонун ва қоидалар ёрдамида математик моделларини тузиш имкониятини беради.
Масалан, «тупроқ-ўсимлик-атмосфера» тизимидаги иссиқлик, намлик, энергия алмашиниш жараёнларининг математик қонун ва қоидалар ёрдамида математик моделини тузилади ва ечилади.
8. Математик статистика усули. Бу усулда ўсим-ликлар ўсиши, ривожланиши ва маҳсулдорлигининг шаклланишига об-ҳаво шароитларининг таъсирини аниқлаш учун жуда кўп кузатишлар ўтказилади. Сўнгра бундай кузатишлар натижаларини ишлаб чиқиш асосида ўсимликлар ўсиши, ривожланиши ва маҳсулдорлигининг об-ҳаво шароитларига боғлиқлиги характери ўрганилади.
Юқорида баён қилинган агрометеорологик тадқиқот усулларининг биринчиси ҳозирги вақтда Мустақил Давлатлар Ҳамдўстлиги (МДҲ)даги гидрометеорология ва табиий муҳитни муҳофаза қилиш бошқармаларига қарашли 2300 дан ортиқ метеорологик станциялардаги кузатишлар дастурига асос қилиб олинган.
Биз юқорида агрометеорологияда қўлланиладиган тадқиқот усулларини баён қилдик. Бу тадқиқот усуллари деҳқончилик ва ўсимликшуносликнинг қуйидаги асосий қонунларига асосланган: