Ҳ. А. АрFинбоев, Ҳ. У. Абдуллаев, А. М

Агроиқлимий шароитлар - бирор жойдаги кўп йиллик агрометеорологик шароитлар режимини билдиради. Бошқача тушунтирадиган бўлсак, бирор жойда кўп йиллар давомида кузатилган агрометеорологик маълумотлар асосида ҳисоблаб топилган ўртача қийматлар агроиқлимий шароитни ташкил қилади.
Қишлоқ хўжалиги ишлаб чиқаришида бевосита фойдаланиладиган иқлим элементларини агроиқлим ресурсларига қўшиш мумкин. Бирор ҳудуднинг агроиқлимий ресурсларига шу ҳудудга тушадиган қуёш радиацияси, шу ҳудуддаги ҳаво ва тупроқнинг иссиқлик, намлик ресурслари киради.
Агроиқлимий баҳолаш - иқлимий омилларни қишлоқ хўжалиги ишлаб чиқариши объектлари ва жараёнларига таъсир этишда ўрнатилган соний кўрсаткичлар ва баҳолаш мезонларидир.
Агроиқлимий баҳолаш таркибига қуйидагилар киради:
- вегетация даври ва унинг алоҳида қисмларида термик ва қисман ёруғлик ресурсларини баҳолаш; вегетация даври ва унинг алоҳида фазаларидаги: ёғинлар миқдорини, ҳаво ва тупроқ намлигини баҳолаш; ўсимликларнинг қишлаш шароитларини баҳолаш; деҳқончилик учун номақбул бўлган ҳодисалар, об-ҳаво ва иқлимий шароитларни баҳолаш.
Ҳудудларни агроиқлимий баҳолаш деганда қишлоқ хўжалик экинларини етиштириш мақсадида текширилаётган ҳудудларни иқлимий шароитларини баҳолаш - ҳудудларни агроиқлимий баҳолаш тушунилади.
Агроиқлимий ўхшашлик (аналог). Муайян йил учун қишлоқ хўжалигига тезкор агрометеорологик хизмат кўрсатишда у ёки бу йилнинг аввалги йилларга агроиқлимий ўхшашлиги (аналогидан) фойдаланилади. Бунинг маъноси ҳудудларда қабул этилган деҳқончи-лик тизимини ва маълум жойдаги экологик гуруҳга кирувчи ўсимлик-ларни мавжудлигини иқлимий шароитлари бўйича ўхшашлиги тушунилади. Назарий жиҳатдан олганда агроиқлимий ўхшашликни танлашда умумий иқлим таснифи асосига таянмасдан, балки қабул этилган деҳқончилик ёки вегетация давридаги мақбул бўлган асосий иқлимий катталикларга эътибор берилади.
Ўхшашликни аниқлашда энг муҳим бўлган ўсимликни маҳсулдор-лик элементлари ва ҳосилини чекловчи иқлим катталиклари бўлган баҳорги ва кузги қора совуқ, ҳароратнинг пастлиги, қуруқ даврни, намлик ортиқчалиги кабиларни ҳисобга олинади.