Ҳ. А. АрFинбоев, Ҳ. У. Абдуллаев, А. М

14.7. Помидор (томат) - итузумдошлар оиласига мансуб бир йиллик сабзавот ўсимлиги. У иссиқхоналарда экилиб, кейин очиқ далага кўчат қилинади. Республикамизнинг жануб томонида унинг уруғи очиқ ерга сепилаверади. Мевалари хомлигича истеъмол қилинади, консерва саноатида помидор пастаси ёки томат тайёрлашда кенг ишлатилади.
14.4-жадвалда помидорнинг ривожланиши ва фазаларга кириш саналари учун талаб қилинган самарали ҳаво ҳароратлар йиғиндиси келтирилган.
14.4-жадвал
Помидорнинг ривожланиши ва фазаларга кириш саналари
учун талаб қилинган самарали ҳаво ҳароратлар йиғиндиси, С ларда
(Ҳ.М. Абдуллаев маълумоти бўйича)

Нави	Кўчат ўтказишдан-гуллашгача	Гуллашидан-пишиб етилгунча	Гуллашдан- сариқ тусга киргунча	Кўчат экилгандан-пишгунча
Тезпишар	150	530	420	680
Ўртапишар	180	650	550	830
Кечпишар	220	760	600	980

Бу жадвал орқали помидор кўчати экилгандан сўнг гуллаш ва пишиб етилгунча бўлган агрометеорологик шароит даврини баҳолаш мумкин. Бунинг учун АКУ даги помидорнинг кўчат экилган вақти ва бошқа фазалари санаси керак. Бундан ташқари кузатиш олиб борилаётган жойга энг яқин метеорологик станцияларнинг маълумотлари керак бўлади. Агарда бу маълумотлар бўлса помидорнинг ривожланиши агрометеорологик шароитини баҳолаш ва 14.4-жадвал маълумотларидан фойдаланиш мумкин.

Агрометеорологик шароитлардан келиб чиқиб помидор ёруғлик-ка, иссиқликка талабчан, қурғоқчиликка чидамли, ортиқча намни кўтармайди, аммо тупроқ танламайди, минерал ўғитлар айниқса фосфорли ўғитлар тез таъсир қилади.