# 3-son 2019. indd

‘‘Men hech qachon ...maganman’’  o‘yini
O‘yinning maqsadi: ishtirokchilarda o‘zi haqida o‘ylash, o‘z yutuqlarini ko‘ra olish 
ko‘nikma va malakalarini shakllantirish.
Ishtirokchilar navbatma-navbat ‘‘Men hech qachon dars tayyorlamasdan kelma-
ganman’’
 degan jumladan iborat gap aytishlari lozim (masalan, ‘‘Men hech qachon’’, 
‘‘Men hech qachon o‘zimdan kattalarga tik qarab gapirmaganman’’, ‘‘Men hech qachon 
haqoratli so‘zlarni ishlatmaganman’’, ‘‘Men hech qachon qizlar (yigitlar) bilan jamoat 
joylarida qo‘ltiqlashib yurmaganman’’
  va h.k.). Qolgan ishtirokchilar esa, aytilayotgan 
gaplar, agar ular uchun noto‘g‘ri bo‘lsa barmoqlarini bukib boradilar. Ya’ni, masalan, 
biror ishtirokchi dars tayyorlamagan bo‘lsa, bitta barmog‘ini bukadi, keyingi ishtirokchi 
tomonidan aytilgan gap ham uning uchun noto‘g‘ri bo‘lsa (ya’ni u qizlar (yigitlar) bilan 
jamoat joylarida qo‘ltiqlashib yursa) yana bitta barmog‘ini bukadi va h.k. Jami o‘nta gap 
aytilganidan so‘ng kimningdir barmoqlaridan birortasi yoki bir nechtasi bukilmasdan 
qolgan bo‘lsa, o‘sha yutadi. Boshlovchi ishtirokchilarni oldindan aytilayotgan gaplar 
hayotiy bo‘lishi lozimligi va barmoqlarni adolatli bukish lozimligi haqida ogohlantirishi 
kerak. O‘yin shu tarzda barcha ishtirokchilar bittadan gap aytgunlariga qadar davom 
ettiriladi.

---

38