# 3-son 2019. indd

Ключевые  слова.  Концепция,  инициатива,  информационно-коммуникационные 
технологии, школа, образование, тенденция, развитие.
The article highlights the role and importance of the concept in education system,  work 
to date and the issues to be addressed in the future. Also, the experience of foreign countries 
and the problems facing the industry discussed.
Key words. Сoncept, initiative, information and communication technology, school, edu-
cation, tendency, development.
Xurshid YUSUPOV,
Xalq ta’limi vazirligi mutaxassisi
TIZIMLI INNOVATSION YONDASHUV ASOSIDA 
TA’LIM SIFATINI BOSHQARISHNING ASOSIY 
YO‘NALISHLARI
H
ozirgi kunda mamlakatimizda ta’lim sohasi rivoji yangi bosqichga ko‘taril-
di. Bu borada ta’limni boshqarish mexanizmlarini takomillashtirish muam-
molarini tizimli-innovatsion yondashuv bilan hal etishga qaratilgan me’yo-
riy-huquqiy hujjatlar ishlab chiqilmoqda. Mamlakatimizni rivojlantirishning beshta ustu-
vor yo‘nalishlarini o‘z ichiga qamrab olgan Harakatlar strategiyasida ham xalqaro stan-
dartlar talablariga mos keladigan ta’lim tizimini rivojlantirishga qaratilgan keng ko‘lamli 
ishlar qilinayotgani alohida e’tirofga loyiq. Ushbu sohadagi mavjud muammolarni 
tizimli hal etish, ilg‘or xorijiy mamlakatlarning tajribasi asosida ta’lim tizimini tubdan 
takomillashtirish va rivojlantirish, malakali va mehnat bozori talablariga javob beradi-
gan kadrlarni tayyorlash samaradorligini oshirish uchun shart-sharoitlar yaratish, aholi 
barcha qatlamlarining ehtiyojlarini hisobga olish va bandligini oshirish muhim dolzarb 
masalalaridan biridir.
Annotatsiya

---

45
Prezidentimiz Shavkat Mirziyoyevning 2019-yil 29-apreldagi “O‘zbekiston Res-
publikasi xalq ta’limi tizimini 2030-yilgacha rivojlantirish Konsepsiyasini tasdiqlash 
to‘g‘risida”gi farmoni ta’lim tizimini yanada rivojlantirishda dasturilamal bo‘lib xizmat 
qiladi. Bunda O‘zbekiston Respublikasining 2030-yilga kelib PISA (The Programme for 
International Student Assessment) Xalqaro miqyosda o‘quvchilarni baholash dasturi 
reytingi bo‘yicha jahonning birinchi 30 ta ilg‘or mamlakati qatoriga kirishiga erishish;
– uzluksiz ta’lim tizimi mazmunini sifat jihatidan yangilash, shuningdek, professio-
nal kadrlarni tayyorlash, qayta tayyorlash va malakasini oshirish;
– o‘qitish metodikasini takomillashtirish, ta’lim-tarbiya jarayoniga individuallashti-
rish tamoyillarini bosqichma-bosqich tatbiq etish;
– xalq ta’limi sohasiga zamonaviy axborot-kommunikatsiya texnologiyalari va in-
novatsion loyihalarni joriy etish;
– xalq ta’limi muassasalarining moddiy-texnika bazasini mustahkamlash va byud-
jetdan mablag‘ bilan ta’minlashning samaradorligini oshirish;
–  yoshlarni  tarbiyalash  va  ularning  bandligini  ta’minlashda  maktabdan  tashqari 
ta’limning zamonaviy usullari va yo‘nalishlarini joriy etish;
–  davlat-xususiy  sheriklikni  rivojlantirish  hisobiga  davlat  ta’lim  tizimida  raqobat 
muhitini kengaytirish;
– yoshlar ta’lim-tarbiyasi uchun qo‘shimcha sharoitlar yaratishga qaratilgan komp-
leks chora-tadbirlarni o‘z ichiga olgan beshta tashabbusni amaliyotga tatbiq etish;
–  xalq  ta’limi  tizimida  faoliyat  ko‘rsatishning  jozibadorligini  oshirish  maqsadida 
umumiy o‘rta ta’lim muassasalari xodimlarining mehnatiga haq to‘lash, moddiy rag‘bat-
lantirish va ijtimoiy himoya qilish darajasini bosqichma-bosqich oshirib borish.
 Xo‘sh, ushbu ishlarni amalga oshirish orqali biz qo‘yilgan maqsadga to‘laqonli 
erishamizmi? Bu savolga maqola davomida javob topishga harakat qilamiz. Ta’lim – 
taraqqiyot bosqichidagi eng muhim tizim. Jamiki o‘zgarishlar, yangilanishlar bevosita 
ta’lim rivoji bilan bog‘liq. Prezidentimiz Shavkat Mirziyoyev iborasi bilan aytganda, “Biz 
ta’lim va tarbiya tizimining barcha bo‘g‘inlari faoliyatini bugungi zamon talablari asosi-
da takomillashtirishni o‘zimizning birinchi darajali vazifamiz deb bilamiz”. 
Har bir mamlakat o‘zining ta’lim tizimi borasida o‘ziga xos yondashuv va qarash-
lari bor. Bizning nazarimizda yuqoridagi vazifalarni amalga oshirish uchun qo‘yidagi 
yo‘nalishlarga keng e’tibor qaratmog‘imiz lozim.