Ўзбекистон Республикасидаги клиник базалар фаолиятининг «Зарур клиник амалиёти (gcp)» талаблари асосида фаолият олиб боришини таъминлашни ташкиллаштириш ҳақида

Ўзбекистон Республикасидаги клиник базалар фаолиятининг «Зарур клиник амалиёти (GCP)» талаблари асосида фаолият олиб боришини таъминлашни ташкиллаштириш ҳақида
Ўзбекистон Республикаси Президентининг 2022 йил 21 январдаги "2022-2026 йилларда Республиканинг фармацевтика тармоғини жадал ривожлантиришга оид қўшимча чора-тадбирлар тўғрисида"ги ПФ-55-сон Фармонига 5-илованинг 5-бандида кўрсатиб ўтилган Ўзбекистон Республикасидаги клиник базалар фаолиятининг "Зарур клиник амалиёти (GCP)" талаблари асосида фаолият олиб боришини таъминлаш мақсадида буюраман:
1. Ўзбекистон Республикасидаги клиник базалар фаолиятининг "Зарур клиник амалиёти (GCP)" талаблари асосида фаолият олиб боришини таъминлаш чора-тадбирлар режаси 1-иловага;
Республика клиник тадқиқот базаларини халқаро аккредитациядан ўтказилишини таъминлаш чора-тадбирлар режаси 2-иловага;
2022-2026 йилларда Клиник тадқиқот базаларни халқаро аккредитациядан ўтказилишини таъминлаш бўйича режа жадвали 3-иловага;
"Зарур клиника амалиёти (GCP)" талаблари босқичма-босқич жорий қилинадиган клиник тадқиқот базалари рўйхати 4-иловага мувофиқ тасдиқлансин.
2. Мазкур буйруқнинг 1- ва 2-иловаларида қайд этилган чора-тадбирлар режаларини бажарилиши учун масъуллар ўзларига юклатилган вазифаларни ўз вақтида амалга оширилишини таъминласин.
3. Мазкур буйруқнинг 3-иловаси билан тасдиқланган Соғлиқни сақлаш вазирлиги тизимидаги барча даволаш-профилактика муассасалари раҳбарлари:
3-илова билан тасдиқланган режа-жадвалида кўрсатиб ўтилган муддатларда клиник тадқиқот базаларини халқаро аккредитациядан ўтказиш;
4-иловада қайд этилган клиник тадқиқот базалари бўйича "Зарур клиника амалиёти (GCP)" талабларини босқичма-босқич жорий қилиш чораларини кўрсин.
4. Ўзбекистон Республикасидаги клиник базалар фаалиятининг "Зарур клиник амалиёти (GCP)" талаблари асосида фаолият олиб борилишини таъминлаш бўйича Ўзбекистон Республикаси Инновацион соғлиқни сақлаш миллий палатаси билан ҳамкорликда иш олиб борсин ва Миллий палатанинг сўровига асосан талаб қилинадиган маълумотларни 2022 йилнинг 1 май кунига қадар ва кейинчалик доимий равишда тўлиқ тақдим этилишини таъминласин.