Ўзбекистон республикаси олий ва ўрта махсус таълим вазирлиги андижон давлат университети

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ
АНДИЖОН ДАВЛАТ УНИВЕРСИТЕТИ

“Физика”, “Кимё”, “Биология” ва “Информатика ва ахборот технологияллари” фанларидан вилоят умумтаълим мактаблари битирувчи синф ўқувчилари ўртасида университет фан олимпиадасини ташкил этиш дастури, баҳолаш мезонлари ва ўтказиш

ТАРТИБИ


Андижон – 2022
КИРИШ

Андижон давлат университети томонидан Ўзбекистон Республикаси Президенти Ш.М.Мирзиёевнинг 2020 йил 12 августдаги “Кимё ва биология йўналишларида узлуксиз таълим сифатини ва илм-фан натижадорлигини ошириш чора-тадбирлари тўғрисида”ги ПҚ-4805-сон қарори 2020 йил 6 октябрдаги “Ахборот технологиялари соҳасида таълим тизимини янада такомиллаштириш, илмий тадқиқотларни ривожлантириш ва уларни IT-индустрия билан интеграция қилиш чора-тадбирлари тўғрисида”ги ПҚ-4851-сон қарори, 2021 йил 19 мартдаги “Физика соҳасидаги таълим сифатини ошириш ва илмий тадқиқотларни ривожлантириш чора-тадбирлари тўғрисида”ги ПҚ-5032-сон қарори ҳамда Ўзбекистон Республикаси Вазирлар Маҳкамасининг “Иқтидорли ўқувчилар ўртасида фан олимпиадаларини ўтказиш тизимини такомиллаштириш ҳамда хорижий тилларни ўқитиш бўйича энг яхши мактабни аниқлаш тизимини жорий этиш тўғрисида”ги 2021 йил 9 сентабрдаги 562-сон қарорларида келтирилган вазифалар ижросини таъминлаш мақсадида жорий йилнинг 30 апрелига қадар вилоят умумтаълим мактаблари битирувчи синфлари ўқувчилари ўртасида “Физика”, “Кимё”, “Биология” ва “Информатика ва ахборот технологияллари” фанлари бўйича кўп босқичли университет олимпиадаларини ташкил этиш, ўтказиш ҳамда олимпиада иштирокчиларини саралаш ва ғолибларни рағбатлантириш режалаштирилган.

Ўзбекистон Республикаси Президентининг 2021 йил 19 мартдаги ПҚ-5032-сон Қарорининг 1-ИЛОВАси 28.2 бандига асосан Физикадан фан олимпиадаси уч турда: туман-вилоят(шаҳар)-университет босқичларида ташкил этилади ва 1-3-ўринларни эгаллаган ўқувчиларни биринчи ўқув йили учун тўлов университетнинг маблағлари ҳисобидан амалга оширилган ҳолда ўқишга қабул қилинади.
Университет фан олимпиадасини ўтказиш бўйича тузилган ушбу дастур битирувчи синф ўқувчилари мавжуд бўлган “Физика”, “Кимё”, “Биология” ва “Информатика ва ахборот технологияллари” фанлари ўқитиладиган умумтаълим мактабларига мўлжалланган. Ушбу дастур Халқ таълими вазирлиги томонидан тасдиқланган ўқув режаси, Давлат таълим стандартлари, малака талаблари ҳамда намунавий фан дастури асосида тузилган.