Ўзбекистон давлат жахон тиллари университети Магистратура бўлими Лингвистика (инглиз тили) мутахассислиги битирувчиси Эргашева Нозима Хасан кизи

Ўзбекистон давлат жахон тиллари университети
Магистратура бўлими Лингвистика (инглиз тили) мутахассислиги битирувчиси Эргашева Нозима Хасан кизи
"Турли тизимли тилларда фразеологизмларнинг синтаксем тадкики" мавзусидаги 5А 120102- Лингвистика (инглиз тили) магистр академик даражасини олиш учун тақдим этилган диссертациясига
Тақриз
Ўзбекистон Республикаси Президентининг 2012 йил 10 декабрдаги "Чет тилларни ўрганиш тизимини янада такомиллаштириш чора-тадбирлари тўғрисида"ги қарори чиққан кундан бошлаб токи шу кунгача барча олий таьлим муассасаларида чет тилларини ўқитиш системасини янада такомиллаштириш, янги давлат таьлим стандартини яратиш, дастурлар ишлаб чиқиш ушбу дастурлар асосида дарсликлар янги авлодларини яратиш шу дарсликлар асосида бугунги кун талабига жавоб берадиган мутахассисларни тайёрлаш вазифаси туради. Мазкур диссертация иши кириш, учта боб, хулоса ва фойдаланилган адабиётлардан иборат. Боб ва бўлимларнинг тартиби ва жойлаштирилиши узвийлик, узлуксизлик тамойилларига мос келади. Диссертация ишининг кириш қисмида магистрант диссертация ишининг долзарблиги, обьекти, предмети, тадқиқотнинг мақсади ва вазифалари, тадқиқот материали, тадқиқот методи, тадқиқот ишининг назарий ва амалий аҳамияти, тадқиқотнинг илмий янгилиги, тузилиши ҳақида гапиради. Мазкур диссертация ишининг асосий мақсади қилиб магистрант фразеологизмларнинг структурал ва семантик жихатларини аниқлаб беришни танлаган. Бу ерда фразеологизмлар чуқур тахлил қилинган ва уларнинг ўхшаш ва фарқли томонлари очиб берилган. Мазкур диссертация ишининг биринчи бобида асосан назарий билимлар ўрганилган бўлиб унда умумий тилшуносликда фразеологизмларнинг ўрганилиши ва уларнинг хусусиятлари ҳақида тўхталиб ўтилган. Диссертация ишининг иккинчи боби фразеологизмларнинг маънолари ва уларнинг семантик структурасига бағишланади. Бунда магистрант фразеологизмларни тахлил қилади. Диссертация ишининг учинчи фразеологизмларнинг семантик тахлилга бағишланган. Ушбу бобда фразеологизмларнинг универсал ва уникал томонлари аниқланган.
Хулоса сифатида айтиш мумкинки, тақриз берилаётган магистрлик диссертацияси қўйилган муаммо, унинг ечими, шунингдек, структура ва ҳажм жиҳатларидан ҳам, бугунги кун талаблари даражасида бажарилган.
Эргашева Нозима Хасан кизининг "Турли тизимли тилларда фразеологизмларнинг синтаксем тадкики" мавзусидаги магистрлик диссертациясини ижобий баҳога баҳолайман. Магистрант 5А120102-Лингвистика (инглиз тили) магистр академик даражасини олишга лойиқ.

Тақризчи ЎзДЖТУ, ф.ф.н. доц.

Г.Э.Хакимова