Xudoyberdiyev Davlatbek Muxammadqul o‘g‘li

Mirzo Ulug‘bek nomidagi O‘zbekiston Milliy Universiteti Geografiya va Tabiiy resurslar fakulteti 5A140602-Geografiya (o‘rganish obyekti bo‘yicha) mutaxassisligi 1-bosqich magistranti Xudoyberdiyev Davlatbek Muxammadqul o‘g‘lining “Ekoturizmni nazariy asoslari va uning O‘zbekistonda rivojlanishi, amaliy ahamiyati” mavzusidagi kurs ishiga
T A Q R I Z
Tabiiy muhitga bo‘lgan munosabat, inson tabiat aloqadorligi, uning salbiy oqibatlarini oldini olish va yaxshilash hozirgi kunning dolzarb masalalaridan biri hisoblanadi. Zero, tabiatga bo‘lgan salbiy munosabat insonga ham o‘zining ta‘sirini ko‘rsatmay qolmaydi. Tabiat qo‘yniga uyushtirilgan sayohatlar insonga zavq berganidek, unga bo‘lgan munosabat ham “do‘stona” bo‘lmog‘i lozim.
1-bosqich magistranti Xudoyberdiyev Davlatbek Muhammadqul o’g’lining “Ekoturizmni nazariy asoslari va uning O‘zbekistonda rivojlanishi, amaliy ahamiyati” mavzusidagi kurs ishi aynan shu mavzuga bag‘ishlanganligi bilan dolzarb hisoblanadi.
Mazkur kurs ishi kirish, 2 bob, xulosa va foydalanilgan adabiyotlar ro‘yhatidan iborat bo‘lib belgilangan tartibga rioya qilingan.
Kurs ishida ekoturizm tushunchasi va uning ahamiyati haqida atroflicha to‘xtalib o‘tilgan. Bundan tashqari, ushbu kurs ishida statistik ma‘lumotlar va jadvallar magistr tomonidan tuzilgan hamda ular asosida turli tahlillar o‘tkazilgan. Shu orqali mavzuning mazmun mohiyati ochib berilgan.
Ekoturizmning mazmuni, klassifikatsiyasi, uning turlari, hozirgi kundagi ahamiyati, uning tabiiy geografik jihatlari, mazkur kurs ishining bosh maqsadi hisoblanadi. Ushbu maqsadni amalga oshirishda quyidagi vazifalarni hal qilish belgilandi:

• 
  mavzuga oid informatsion maʼlumotlarni toʻplash va tahlil qilish;
  
• 
  ekoturistik prinsiplarni va ekoturistik tasniflashni oʻrganish;
  
• 
  ilmiy ishlarda keltirilgan ekoturizmga oid ta’riflarni o`rganish va ularni tahlil qilish;
  
• 
  ekoturizmning boshqa turizm turlaridan o`ziga xos bo’lgan jihatlarini ko`rsatish;
  
• 
  ekoturizmning tamoyillari va ekoturizmning konsepsiyasi haqidagi ma’lumotlarni o`rganib tahlil qilish.
  

Mazkur kurs ishi ayrim kamchiliklardan holi emas, xususan orfografig xatolarga yo`l qo`yilgan. Ayrim jumlalar noto`g`ri tuzilgan. O`ylaymanki, ushbu kamchiliklar kurs ishining mazmuniga salbiy ta’sir ko`rsatmaydi.
Yuqoridagi fikrlarni hisobga olib, birinchi bosqich magistranti Xudoyberdiyev Davlatbek Muhammadqul o’g’lining “Ekoturizmni nazariy asoslari va uning O‘zbekistonda rivojlanishi, amaliy axamiyati” mavzusida yozgan kurs ishi maqsad doirasida tugallangan bo`lib, belgilangan talablarga mos keladi va uni himoyaga tafsiya qilaman.

O`zMU Tabiiy geografiya

kafedrasi g.f.d. prof. A.K. Urazbayev