Vatanimiz – O‘zbekistonimiz ko‘pmillatli davlat

Millatlararo hamjihatlik

Vatanimiz – O‘zbekistonimiz ko‘pmillatli davlat.

Yurtimizda o‘zbeklar bilan birga yuzdan ziyod millat va elat vakillari ahil va inoq yashaydi.

Millatlararo hamjihatlik – umumbashariy qadriyat.

U bir jamiyatda yashab, yagona maqsad yo‘lida mehnat qilayotgan turli millat va elat vakillarining ahilligini mustahkamlaydi, tinchlik va barqarorlikning, taraqqiyotning muhim omili bo‘lib xizmat qiladi.

Bir millat vakili boshqa millatning hayoti, turmush tarzi bilan tanishar ekan, o‘zi uchun yangi bilim va xulosalar oladi, tajriba orttiradi.

Millat va elatlarning ko‘pligi va xilma-xilligi insonga o‘zligini anglash, milliy va umumbashariy qadriyatlarning inson hayotidagi o‘rni va ahamiyatini tushunib yetish imkonini beradi.

Jahondagi turli millatlarning tili, turmush tarzi va urf-odatlari bir-birinikidan farq qilsa-da, ularning orzu-intilishlari, moddiy va ma’naviy ehtiyojlari, hayot falsafasi bir-biriga yaqin.

Barcha millat vakillari ozod va erkin yashashni, oila qurib, farzand o‘stirib, o‘zidan munosib zurriyod qoldirishni, kuy-qo‘shiqlar kuylab, hayotdan zavqlanishni, baxtli bo‘lishni istaydi.

Bizning milliy g‘oyamiz xalqimizning orzu-intilishlarini haqqoniy aks ettirgani uchun har qanday millatchilikdan, boshqa elat va xalqlarga nisbatan mensimaslikdan mutlaqo xoli.

Millatlararo hamjihatlik g‘oyasi xalqimizning ezgu insoniy fazilatlarini ifoda etadi va kelajakda bu an’analarni yanada boyitish va rivojlantirishni nazarda tutadi.

Millatlararo hamjihatlik g‘oyasi xalqimizning ezgu insoniy fazilatlarini ifoda etadi va kelajakda bu an’analarni yanada boyitish va rivojlantirishni nazarda tutadi.

Shovinizm – millatchilikning bir turi bo‘lib, boshqa millatlarni mensimaslik, o‘zini ularga nisbatan ustun qo‘yishga intilish.

«Fashizm» italyancha so‘z bo‘lib, to‘da, bog‘lam degan ma’nolarni anglatadi hamda ommaviy qirg‘in va zo‘ravonlik bilan siyosat olib boradigan yovuz kuchlarga aytiladi.

Hozirgi kunda ham turli g‘oyaviy va mafkuraviy yo‘llar bilan biron-bir xalq yoki millatga xos urf-odat, an’ana hamda qadriyatlarni kamsitish, yo‘q qilishga qaratilgan tahdidlar sezilib turibdi.

Shunday qilib, muayyan mamlakatga nom bergan millat bilan unda yashaydigan boshqa el-u elat vakillari o‘rtasidagi hamjihatlik ijtimoiy taraqqiyotning eng muhim omillaridan biridir.