Ҳурматли Равшанбек Иномжонович

---

Ҳурматли Равшанбек Иномжонович
! 
 
Ўзбекистон Республикаси Қишлоқ хўжалиги вазирлиги жамоаси номидан Сизни 
таваллуд топганингизга 
70 йил
тўлиши муносабати билан қизғин муборакбод 
этаман. 
Жонкуяр олим, меҳрибон устоз, раҳбар тимсолида кўп йиллик самарали илмий 
фаолиятингиз ва шонли умр йўлингиз кўплаб ёшлар учун чинакам ибрат мактабидир. 
Қишлоқда таваллуд топиб, болаликдан меҳнатда улғайиб, заҳматкаш деҳқонлар 
мушкулини осон қилишни қалбингизга жо қилган эзгу ниятларингиз ҳамда собит 
шижоатингиз Сизни нафақат илм-ҳунар эгаллаш, балки республикамизда
ва бошқа давлатларда танилган етук селекционер-олим даражасига етказди. 
Сизнинг илмий фаолиятингиз юртимизнинг турли тупроқ-иқлим шароитларига 
мос, ҳосил ва сифат кўрсаткичлари юқори янги навларни яратиш, етиштириш 
агротехникасини ишлаб чиқиш, ушбу навлар майдонини кенгайтириш учун илмий 
асосланган бирламчи уруғчилик тизимини йўлга қўйиш орқали мамлакатимизнинг 
ғалла мустақиллиги таъминланишида ўзининг муносиб ўрни борлиги билан бевосита 
боғлиқлиги билан ҳам аҳамиятлидир.
Илмий муассасангизда яратилган Бобур, Андижон-2, Омад, Матонат, Юлдуз, 
Марс-1, Аср, Давр кузги буғдой навлари амалиётга кенг жорий этилиб, 
иқтисодиётимизнинг 
юксалишига 
залворли 
ҳисса 
қўшганлигини 
алоҳида 
таъкидлашимиз жоиз деб ҳисоблайман. 
Сўнгги йилларда Сизнинг бевосита ташаббусингиз ва илмий раҳбарлигингизда 
кузги буғдойнинг Нодир, Қадр, Ёғду, Ўзбекистон-25 навлари, хўраки нўхатнинг 
Зумрад, Полвон навлари, кўк нўхатнинг Осиё-2001 нави, ясмиқнинг Дармон, Сарбон, 
соянинг Барака, Олтин тож, Ойжамол навларининг майдони кенгайтириш учун 
бирламчи уруғчилиги йўлга қўйилди. Натижада Республикамиз барча ҳудудларида 
сўнгги йилларда бошоқли ва дуккакли дон экинлар ҳосилдорлигини кескин оширишга 
эришилди.
Кўп йиллик назарий ва амалий тадқиқотларингиз натижалари асосида 200 дан 
ортиқ илмий мақолаларингиз республика ва хорижий нашрларда эълон қилинди,
35 дан ортиқ тавсиялар ва 2 та монография чоп этилган. 
Сиз томонингиздан соҳанинг ривожланишига Халқаро илмий алоқалар, 
жумладан Россия Федерациясининг П.П.Лукьяненко номидаги Дон миллий маркази, 
В.С.Пуставойт номидаги Бутунроссия мойли экинлар илмий тадқиқот 
институтлари билан ҳамкорлик орқали республикамизда навларни янгилаш, селекция 
ва уруғчиликни ривожлантириш борасида муҳим тадбирлар амалга оширилмоқда. 
Сизнинг самарали меҳнатларингизни давлатимиз муносиб эътироф этиб,
2021 йилда “Дўстлик” ордени билан тақдирлади. 
Ҳурматли 
Равшанбек Иномжонович
, Сизни яна бир бор таваллуд айёмингиз 
билан табриклайман. Сизга сиҳат-саломатлик, узоқ умр, оилавий бахт-саодат, 
хотиржамлик ҳамда илмий-амалий фаолиятингизда улкан зафарлар тилайман, 
сўнмас ғайрат ва шижоат Сизни ҳеч қачон тарк этмасин
.
 
 
 
Ҳурмат ва эҳтиром билан,
 
Вазирнинг биринчи 
ўринбосари 
 
 
 
 
 
 
Ш. Тешаев 

---