Дадажон, кўнгли ярим, қалби изтиробга тўла қизингиз Сизни жудаям соғинди. Бу ёруғ оламни тарк этиб, бизни ёлғиз қолдириб кетганингизгаям йигирма уч йил тўлибди. Сизнинг умрингизга нуқта қўйган бешафқат ҳаёт давом этмоқда

Дадажон, кўнгли ярим, қалби изтиробга тўла қизингиз Сизни жудаям соғинди. Бу ёруғ оламни тарк этиб, бизни ёлғиз қолдириб кетганингизгаям йигирма уч йил тўлибди. Сизнинг умрингизга нуқта қўйган бешафқат ҳаёт давом этмоқда. Ойу йиллар тиним нелигини билмай чархпалак мисоли айланиб, ўтиб бормоқда. Фақат бу йиллар оралиғида Сизнинг биз билан бирга эмаслигингиз энг катта армонимиз.
Дадажон, Сизни сўнгги манзилга кузатган чоғимизда хали жуда ёш эдик. Мен энди ўн бешга чиққан, укам ўн учга, синглим эса ўн бир ёш, онам атиги ўттиз уч ёшда эдилар. Бу ўлим деганлари ёш ҳам, макон ҳам, замон ҳам танламас экан. Оллоҳнинг ўлчаб берган умри қанча бўлса шунча яшар экансану, ажал эшигингни қоқиб келганда ҳеч нима демасдан, у дунёга кетавераркансан. Ортингдан қолганларнинг эса қўлидан ҳеч нима келмасдан айу ҳаннос солиб қолаверар экан. Сизни ҳам бевақт ажал олиб кетганида Аллоҳнинг иродаси экан деб, тақдирга тан бериб қолавердик. Тўғри, биз ёш болалар бўлганимиз учун бу нарсаларни ўша пайтларда тушунмаганмиз ҳам. Бироқ Сизнинг ўрнингиз ҳар бир дақиқаю, сонияда билинарди. Онам шўрлик эса фарзандларим бошқалардан кам бўлмасин дея ўзи емай едирди,киймай кийдирди.