Toshkent Moliya Instituti “Xorijiy tillar” kafedrasining katta o‘qituvchisi X. B. Akbayevaning “le français pour les étudiants” nomli O‘quv qo‘llanmasiga taqriz

Toshkent Moliya Instituti “Xorijiy tillar” kafedrasining katta o‘qituvchisi X.B.Akbayevaning “LE FRANÇAIS POUR LES ÉTUDIANTS” nomli O‘QUV QO‘LLANMASIGA

TAQRIZ
Hozirgi kunda chet tillarni o‘rganish davr talabi. Shunday ekan har bir mutaxassis chet tillarni bilishi zarur. Har bir chet el elchixonalari tomonidan talabalarning chet ellarda o‘qish uchun hamda ilmiy ishlar olib borish uchun imkoniyatlar yaratilmoqda. Ushbu o’quv qo‘llanma talabalarning fransuz tilidan egallagan bilim va ko’nikmalarini mustahkamlash va yanada kengaytirish, tanlagan mutaxassisliklari doirasida chet tilini puxta bilishlariga yordamlashish, nutqlarini kasbiy atamalar bilan boyitish, fransuz tilidan yuqori darajada nutqiy savodxonlikni ta’minlashda, talabaning kundalik faoliyati hamda turmushida zarur bo’lgan nutqiy mavzularda fransuz tilida mustaqil so’zlay olishlari va yozishlari, mutaxassislikka oid turli nutq uslublarida matn tuza olishi, uni o’zgartira bilish ko’nikmalari doirasida og’zaki va yozma nutqini o’stirish, turlicha ko’rinishdagi matnlarni erkin tuza olish ko’nikmalarini o’stirishda yaqindan yordam beradi. Matn ustida ishlash matn yaratish barcha guruhlarda fransuz tili mashg’ulotlarining tarkibiy qismiga aylanmog′i kerak.

O’quv qo′llanmada berilgan faol so’z va iboralar, turli mavzudagi matnlar, savol-javoblar talabalarning so’z boyligini oshirish, fransuz tilining boy ifoda vositalaridan maqsadga muvofiq, to’g’ri foydalana olish ko’nikmalarini shakllantirishni ko’zlab tuzilgan.

Mazkur qo‘llanmadagi matnlar talabalarni kasbga oid mavzuda erkin so‘zlashga o‘rgatadi.

Mazkur qo‘llanmani chop etishga tavsiya etaman.

TIQXMMI «O’zbek tili va adabiyoti»

kafedrasi katta o‘qituvchisi : M.T.Saipova