Toshkent Davlat Sharqshunoslik Universiteti Sharq Filologiyasi fakulteti iii-kurs Malay-Ingliz guruhi talabasi Xo'jaqulov Shaxzod

Toshkent Davlat Sharqshunoslik Universiteti
Sharq Filologiyasi fakulteti III-kurs
Malay-Ingliz guruhi talabasi
Xo'jaqulov Shaxzod

2-oraliq nazorat ishi

Savollar:

1. Konflikt nima?

2. Konfliktning ikki tomoni nima?!
3. Konfliktogen nima? Misol bilan keltiring.
4. Stereotip nima?misol bilan keltiring.
5. Konfliktlarni boshqarish tartiblarini birma-bir yoriting.
6. Jahlni jilovlash usullarini birma-bir yoriting.
7. Ta’lim-tarbiya jarayoni tarkibiy qismlarini sanab o’ting.
8. Dars turlarini sanab ta’rifini keltiring.
9. Mutaxassislik faningizga doir aralash dars turiga misol keltiring.
10. Mutaxassislik faningizga doir mustahkamlash dars turiga misol keltiring.


Javoblar:

1-javob:
Konflikt – bu ikki, yoki undan ko’p tomonlarning o’z maqsadlariga yetish yo’lidagi turli manfaatli to’qnashuvi hisoblanadi. Inson o’z hayotida bolalik davridanoq boshqa insonlar bilan turli ijtimoiy munosabatlarga kirishadi. Inson hayoti boshqalar bilan bo’ladigan turli munosabatlarning uzluksizligidan iborat bo’lgan jarayondir. Ana shu munosabatlar esa har doim ham bir tekis, silliq va tinch davom etavermaydi. Hayotning bir tekis davom etishini turli nizo va ziddiyatlar buzib turadi. Biz ularni konfliktlar deb ataymiz.
Konflikt har bir inson hayotiga aloqador bo’lgan o’ziga xos jarayon bo’lib, hech bir inson o’zini komil ishonch bilan konflikt vaziyatlardan muhofaza qilinganman deb ayta olmaydi.
Konfliktlar inson hayotining ajralmas qismi hisoblanadi, chunki har bir inson o’z hayoti davomida konfliktlar bilan to’qnash keladi.
Konfliktlar tabiiy hodisa bo’lib, konflikt bilan to’g’ri munosabat o’rnatish inson tarbiyasi, uning shakllanishining zaruriy talablaridan biridir.
So’nggi vaqtlarda zamonaviy jamiyatlardagi insonga bo’lgan turli ilmiy-texnik, ma’naviy, iqtisodiy ta’sirlarning haddan ziyod ortib borishi, zamonaviy jamiyatlarda yashash tarzining murakkablik tomon ortib borayotganligi odamlar to’qnash kelishi mumkin bo’lgan turli konflikt vaziyatlarni ham oshiradi.