Tezkor axborot

TEZKOR AXBOROT

Toshkentda shar sotib yurgan 9 yoshli bolakayning otasi jarimaga tortildi

▪️Ijtimoiy tarmoq foydalanuvchilaridan biri kichik yoshli bolakayning shar sotayotgani haqida ma’lumot berib, bundan xavotirdaligini bildirgan.

IIBB Yunusobod tumanida shar sotib yurgan 3-sinf o‘quvchisining otasi bilan bog‘lanib, uni MJtKning 47-moddasi: bolalarga tarbiya va ta’lim berish majburiyatini bajarmaslik bo‘yicha jarimaga tortdi

Ta’lim tizimida masofaviy, onlayn va virtual o‘qitish texnologiyalari joriy etiladi

▪️Hukumatning yangi qarorida

– ma’muriy binolar va ko‘p kvartirali uylarni kamida 1 Gbit/s o‘tkazuvchanlik qobiliyati bilan;

– ta’lim tashkilotlari,shifoxonalar va boshqa davlat tashkilotlarini kamida 100 Mbit/s o‘tkazuvchanlik qobiliyati bilan ta’minlash ham belgilangan.

“Yangi O‘zbekiston shifokorlari” platformasi ishga tushirildi

▪️Bu platforma – dunyoning istalgan davlatida ishlayotgan 45 yoshgacha bo‘lgan shifokorlar uchun.

"Platformada eng yaxshi g‘oya va takliflar bergan yosh shifokorlar vazirlik istiqbolli kadrlar zaxirasiga kiritiladi", deb xabar qildi.

Buyuk Britaniya banklaridan birida 4 kunlik ish haftasi joriy qilindi, bu xodimlar maoshini kamaytirmaydi

▪️Atom bank – Buyuk Britaniyaning birinchi raqamli banki hisoblanadi. Endi bankning 430 nafar xodimi haftasiga 4 kun, jami 34 soat ishlaydi Oldin ular 37,5 soatgacha ishlar edi.

"Koronavirus bizga nimalar zarur emasligini ko‘rsatdi. Endi dushanba va juma kunlari bizda dam olish bo‘ladi", deydi bank rahbari Mark Mullen.

Xodimlarning dam olish kunlari belgilanishi o‘ziga xos tarixga ega. Dastlab, 19-asrda ishchilar 6 kunlik ish haftasida ishlashgan. 1930-yillarda esa Henri Ford xodimlari uchun haftasiga 2 kunlik dam olishni taklif qiladi. Endi esa 4 kunlik ish haftasi haqida qarashlar ham paydo bo‘lyapti.

Adabiyot muzeyi ko‘chiriladi. Muzeyning hozirgi tarixiy binosi bilan nima bo‘lishi noma’lum

▪️Toshkent markazida joylashgan, 82 yil oldin asos solingan Alisher Navoiy nomidagi Davlat adabiyot muzeyi ko‘chiriladi. Milliy bog‘dagi Adiblar xiyoboni yaqinida, Baynalmilal ko‘chasida muzey uchun yangi bino quriladi Loyiha dushanba kuni prezidentga taqdim etildi.

Adabiyot muzeyining hozirgi binosi Alisher Navoiy ko‘chasida joylashgan. Uning qarshisida Alisher Navoiy haykali ham bor. Shu ko‘cha bo‘ylab joylashgan kino saroyi va milliy kutubxonaga ham allomaning nomi berilgan.

1-dekabrdan metroda jetonlardan foydalanish to'xtatiladi

▪️Ma'lumot uchun, 2020-yil noyabridan Toshkent metropolitenida jetonlarni sotish to'xtatilib, bir martalik chiptalardan foydalanishga o'tilgandi.

Turkiyaliklar hukumat iste'fosini so‘rab namoyishga chiqishdi

▪️23-noyabr tunda istanbul va anqaraliklar mamlakatda hukmron Adolat va taraqqiyot partiyasi iste'fosini talab qilib ko‘chalarga chiqishgan Namoyishchilar qo‘liga "hukumatga iste'fo" deb yozilgan varaqalarni ko‘tarib olgan.

Bu – Turkiyada dollarning kursi ko‘tarilib, liraning qiymati tushishi ortidan boshlandi. Liraning qiymati 1 sutkada 15 foizga, yil boshidan beri 40 foizga pastlagan. Bu prezident Erdog'an Markaziy bank mustaqilligiga daxl qilayotgani bilan bog'lanmoqda

⚡️Москвада меҳнат мигрантлари учун патент нархи ошади

Москвада 2022 йилда меҳнат мигрантлари учун патент нархи ошади: ойига 5341 рублдан 5900 рублгача кўтарилади.

Россияда ишлаётган ватандошларимизга сабр тилаймиз.

⚡️AQShda Yerni asteroidlardan himoya qilish tizimini sinovdan o'tkazish uchun zondli raketa uchirildi.

DART zondi Kosmosga chiqqanidan so'ng Falcon-9 raketasidan ajralib chiqadi va Yer kabi Quyosh atrofida aylanadigan qo'sh asteroid Didim - Dimorf yo'nalishi bo'yicha harakatlanadi.

⚡️AQSh joriy yilning dekabr oyida bo‘lib o‘tadigan “Demokratiya sammiti”da ishtirok etish uchun taklif etilgan 110 davlat ro‘yxatini e’lon qildi. Ro‘yxatga O‘zbekiston kiritilmagan.

⚡️Shvetsiya hukumati tarixda ilk bor ayol kishini Bosh vazir etib tayinladi. Magdalena Andersson bungacha mamlakat Moliya vaziri lavozimida faoliyat yuritgan

⚡️Rossiya va Xitoy tan olsa ham, AQSh "Tolibon" hukumatini tan olmaydi. Bu haqda AQShning Afg'oniston bo'yicha maxsus vakili Tom Uest ma'lum qildi.

Toshkent davlat iqtisodiyot universiteti talabalar turar joyi tarbiyachisi kechikib kelgan talabani kechki vaqtda haydab yuborgani uchun ishdan olindi. Toshkent davlat iqtisodiyot universiteti talabalar turar joyi tarbiyachisi kechikib kelgan talabani kechki vaqtda haydab yuborgani uchun ishdan olindi.

BAJARDI: KURSANT TOXIROV.U