Termiz davlat universiteti Axborot texnologiyalari fakulteti informatika o’qitish metodikasi ta’lim yo’nalishi talabasi Qurbonov Baxtiyor Uralovichining malakaviy va pedagogik amaliyotidan

Termiz davlat universiteti Axborot texnologiyalari fakulteti informatika o’qitish metodikasi ta’lim yo’nalishi talabasi Qurbonov Baxtiyor Uralovichining malakaviy va pedagogik amaliyotidan.
HISOBOTI
Men 4-kurs informatika o’qitish metodikasi ta’lim yo’nalishi 413-guruh talabasi Qurbonov Baxtiyor Uralovich 2022-yil 2-maydan 2022-yil 28-maygacha Qiziriq tumani 15-umumiy o’rta ta’lim maktabida pedagogik va malakaviy amaliyotda bo’ldim.
Axborot texnologiyalari fakulteti dekani Safarov Abdivoxid Shukurovich fakultet professor-o’qituvchilar hamda 4-kurs talabalari yig’ilish o’tkazdi. Yig’ilishda 4-bosqich talabalari maktabda pedagogik amaliyot o’tashi aytildi. Har bir talaba o’zi xohlagan yoki o’zi o’qigan maktabga pedagogik amaliyotni o’tash aytildi.
Men Qurbonov Baxtiyor Qiziriq tumanidagi 15-umumiy o’rta ta’lim maktabiga pedagogik amaliyotni oldim. Men 2-maydan boshlab amaliyot o’tash uchun mazkur maktabga bordim. U yerda meni maktab direktori O’.Yangiboyev kutib oldi. Maktab direktori meni maktabdagi ichki tartib qoidalar bilan tanishtirdi va o’qituvchilar amal qilishi kerak bo’lgan jarayonlarni tushuntirib berdilar. Bundan tashqari dars o’tish uchun menga sinf, sinfrahbarlikni o’rganish uchun esa o’qituvchi biriktirildi. Fan o’qituvchisi sifatida Xudoyorov Azimjon ustoz tayinlandi va Xudoyorov Azimjon ustozning 10-a sinfi biriktirilishi aytildi.
Men amaliyot davrimning ikkinchi kuni maktab hovlisiga 7.50 da yetib keldim. Meni o’quv ishlar bo’yicha direktor o’rinbosari kutib oldi. Men u bilan birgalikda menga biriktirilgan 10-a sinf bilan yaqindan tanishtirdi. Informatika darsiga kuztuvchi sifatida kirdim va fan o’qituvchisini diqqat bilan kuzatib tahlil qildim.
Dars davomida o’quvchilardan uyga vazifalar so’raldi. Savollarga javob berayotgan o’quvchilar baholandi. Darsda o’tilgan mavzularga doir o’quvchilarga uyga vazifalar berildi. Bu darsdan so’ng men Algebra darsiga 9-a sinfga kirdim. Fan o’qituvchisi darsni talab darajasida ko’rgazmali qurollardan foydalangan holda o’tdi.
Amaliyotni 3-kuni men Qiziriq tumanidagi 15-maktabga 7.50 da keldim. 9-b sinfni informatika darsini kuzatdim va darsda o’quvchilar o’qituvchini diqqat bilan tinglashdi. O’qituvchi darsni ham amaliy ham nazariy ravshda tushuntirib o’tdi. Keyingi amaliyot kumida 9-b va 11-a sinflarga kirdim, informatika dars talab darajasida o’tkazildi. Albatda kompyuter qurilmalaridan foydalanilgan holda.
Payshanba amaliyotni 4-kuni 11-a informatika va axborot texnologiyalari ham 6-a fizika darslarini kuzatib tahlil qildim, darslar yaxshi bo’lib o’tdi. Amaliyotni 5-kuni men maktabga 7.50 da keldim. 10-b sinfiga algebra darsiga dars tahliliga kirdim. Dars savol javobga va amaliy misollar yechib ko’rishga boy bo’ldi. 23-aprel shanba men maktabga 8.00 da yetib keldim va 10-b sinfni informatika va axborot texnologiyalari fanini kuzatib o’qituvchi harakatlarini e’tibor bilan kuzatib kelajakdagi faoliyatimda qo’llashim mumkin bo’lgan usullarni o’rgandim.
O’quvchilarning fanga oid qiziqishlari a’lo darajada ekanligi dars jarayonida guvohi bo’ldim. Menga biriktirilgan 10-a sinfga amaliyot davrim davomida informatika darsi va informatika fanidan to’garak mashg’ulotlarini olib bordim.
Informatika darslarida barcha o’quvchilarning darsga qiziqishi, faolligi menda katta taassurot qoldirdi.
Men amaliyot davomida maktabdagi ustozlardan dars o’tish metodlarini o’rganishga harakat qildim. Bu o’rgangan narsalarim kelajakdagi pedagogik jarayonlarga yordam berishiga ishonaman.
Qiziriq tumanidagi 15-umumiy o’rta ta’lim
Maktabi direktori: O’.Yangiboyev
Amaliyotchi: B.Qurbonov