Ta’lim tizimi taraqqiyotida innovatsion yondashuv va zamon tendensiyalar

Toshkent shahridagi YODJU texnika instituti talabalari

Islomova Asil ava Jo’rayeva Ziyodaning

“Ta’lim tizimi taraqqiyotida innovatsion yondashuv va zamon tendensiyalar” (Hajmi 4 bet)

nomli ilmiy maqolasiga

TAQRIZ

Berilgan ushbu ilmiy maqola ta’lim tizimining taraqqiyotida innovatsion yondashuv va zamon tendensiyalari mavzusiga bag’ishlangan. Maqola ta’lim tizimida zamonaviy ta’lim metodlari, innovatsion texnologiyalarning o’rni, afzalliklari va uni qo’llash samaradorligi haqida bayon qilinadi.

Maqola mavzusi dolzarbligi jihatidan ham mualliflar muvaffaqiyatini ifoda etadi. Ta’lim tizimi doim jamiyatning muhim, ajralmas qismi sifatida doim diqqat markazida hisoblanadi. Shu sababli ta’lim jarayonining samaradorligini oshirish va XXI asr zamon talablariga javob berishi uchun innavotsion yondashuv juda dolzarb masaladir.

Maqolada maktablardagi ta’lim tizimlari, dars jarayonlariga innavotsion yondashuv yuzasidan olib borilgan kuzatuvlar yoritilgan va yangi texnologiyalar va zamonaviy ta’lim metodlarini ta’lim jarayonida qo’llash masalasi aks ettiriladi.

Maqola tuzulishi jihatidan kirish, asosiy qism va xulosa va foydalanilgan adabiyotlar qismidan iborat. Ushbu ilmiy ish mavzu doirasidagi nazariy bilim va amaliy kuzatuvlarni o’z ichiga qamrab oladi. Ta’lim jarayonida innovatsion vositalardan foydalanish yuzasidan kuzatuvlari asosida innovatsion texnologiyalarning afzalliklari va samaradorligi tahlil qilingan.

Ilmiy maqola haqiqiy nazariy va amaliy natijalar asosida yozilgan bo’lib, ta’lim tizimi taraqqiyotida innovatsion yondashuv va zamon tendensiyalarining ahamiyatini yoritib bera olgan. Keltirilgan ma’lumot va tushunchalar yordamida mualliflar muammoning bugungi holatini to’liq tahlil qiladi. Toshkent shahridagi YODJU texnika instituti talabalari Islomova Asil ava Jo’rayeva Ziyodaning “Ta’lim tizimi taraqqiyotida innovatsion yondashuv va zamon tendensiyalar” nomli ilmiy maqolasini ijobiy baholab, qo’shimcha qilib taklif va mulohazalarimizni kiritmoqchimiz.

1. 
   Ko’rib chiqilgan masala bilan bevosita bog’liq bo‘lgan ayrim savollar javobsiz qolmoqda. Ta’lim tizimiga innovatsion yondashuvda qanday ta’lim metodlari va zamonaviy texnalogiyalardan foydalanish to’g’risida kengroq yondashish lozim.
   

Umuman olganda, bizning fikrimizcha, bu qiziqarli va foydali ish barcha talablarga javob beradi va ilmiy maqola mualliflarining maqsadli yondashuvi natijasi o’laroq, amaliy tajribalar va xulosalar tahlili vositasida ahamiyatga molik mavzuni keng yoritib bera olgan.

O’zbekiston Davlat Jahon Tillari universiteti

Lingvistika (Ingliz tili)

magistratura bosqichi 128-guruh talabasi Iskandarova D.X