Tadbir ssenariysi

TADBIR SSENARIYSI

Tadbir nomi: Mustabid imperiyaning intihosi.

Tadbir shiori: Mustaqillik biz uchun cheksiz zahmat ila qo‘lga kiritilgan eng oliy ne’matdir. (I.A.Karimov)

Tadbirni boshlovchi boshlab beradi. (Behruz)

Voqealar orqa fonda (motivatsion muzika bilan) suhandonni quyidagi gapi bilan boshlanadi:

Suhandon (Javohir): 1917-yil fevral. Rossiyaning Birinchi jahon urushidagi mag‘lubiyatlari, iqtisodiy inqiroz, siyosiy boshqaruvning izdan chiqishi fevral inqilobiga sharoit yarata boshladi. Inqilobning sodir bo‘lishiga sabab bo‘lgan bosh omil quyidagicha: 1905-1907 yillardagi rus inqilobida Vladimir Lenin boshchiligidagi bolsheviklar mag‘lubiyatga uchradi. Sababi, hokimiyatni egallashda bolsheviklarga burjuaziya yordami zarur edi. Mag‘lubiyatdan ta’sirlangan Lenin kelajakda keyingi inqilob uchun sharoit yuzaga chiqadigan bo‘lsa, burjuaziya bilan birlashib avval podsho hokimiyatini, keyin esa burjuaziyaning o‘zini siyosiy maydondan chiqarib yuborishni maqsad qilgan edi. Shu sababli, 1917-yildagi fevral inqilobiga burjuaziya rahbarlik qildi. Ishchi-askar sovetlari fevral inqilobini amalga oshirishdi. Podsho Nikolay II taxtdan voz kechdi. Ayni paytda Rossiya Davlat Dumasi vakillari Muvaqqat hukumatini tuzishdi. Shu bilan, Rossiyada ikki hokimiyatchilik yuzaga kelib, bularning biri Muvaqqat hukumat bo‘lsa, ikkinchisi ishchi-askar sovetlari edi. Shunday sharoitda, Turkistonda ham siyosiy jarayonlar avj olayotgandi. Jadidchilar boshchiligida Turkiston muxtoriyatini tuzish harakatlari boshlanib ketdi.