Stress va uni bartaraf etish yo’llari

Talabalarda muloqotchanlik ko’nikmalarini rivojlantirishga qaratilgan “Stress va uni bartaraf etish yo’llari” nomli trening mashg’uloti rejasi

Davomiyligi: 70 daqiqa.

№	Mashg’ulot nomi	Vaqt (daqiqa)	Kutiladigan natija
Kirish qismi
1.	Guruhiy normalarni qabul qilish.	2	Guruhiy normalar ishlab chiqiladi, treningning samarali kechishi ta’minlanadi.
2.	Tanishuv. “Men hech kimga aytmagan sirim… ” o’yini.	5	Ishtirokchilar bir-birlari haqida ma’lumotga ega bo’ladilar, kayfiyatlari ko’tariladi.
3.	Kutuvlarni aniqlash.	3	Ishtirokchilarning treningdan kutayotgan natijalari aniqlanadi.
Asosiy qism
4.	“Qalamlar” o’yini	10	Talabalarda noverbal muloqot hamda bir-biriga yoradm berish sifatlarini shakllantirish.
5.	“Niqoblarsiz” mashqi	10	Talabalarda bir-birlarni anglash, ijobiy fikrlarni shakillanishiga yordam beradi.
6	“Gʼaram, tepalik, soʼqmoq” o’yini	10	Talabalar o’rtasidagi munosabatni yanada ahillashtish va kayfiyat ko’tarish .
7.	“Parlanish” antistress mashqi	10	Talabalarga stressga nisbatan imunitetni hosil qilish va stressli vaziyatlardan chiqishni o’rgatish.
8.	“Qayerga, qayerga" o’yini	10	Talabalar o’rtasidagi munosabatni yanada ahillashtish va kayfiyat ko’tarish .
Yakuniy qism
8.	“Raxmat” yakunlovchi mashq	5	Ishtirokchilarning ko’tarinki kayfiyatlarini barqarorlashtirish.
9.	Qayta aloqa	5	Ishtirokchilarning erishgan natijalarini tinglash.

Talabalarda muloqotchanlik ko’nikmalarini rivojlantirishga qaratilgan “Stress va uni bartaraf etish yo’llari” nomli trening mashg’ulotining dasturi

Maqsad: Ichki stressli vaziyatlarini yengishga, o‘ziga bo‘lgan ishonchni shakllantirish, o‘z hissiyotlarini boshqara olish ko‘nikmalarini egallashga qaratilgan.

Vazifalar: 1. Guruh a’zolarini o’zaro tanishtirish, ya’ni ularga bir-birlari haqidagi ma’lumotlar bilan almashinish imkonini yaratish;

2. Guruhda a’zolarida stressli vaziyatlarni yengishga o’rgatish;

3. Ishtirokchilar holati va kayfiyatlarini barqarorlashtirish;

4. Guruh ishtirokchilarini bir-birlarini yaxshiroq tushunishga hamda hamkorlikda ishlashga o’rgatish;

5. Guruh a’zolari o’rtasida o’zaro samimiylik muhitini yaratish.

Qoidalar:

• 
  “faollik” qoidasi (rolli vaziyatlarda har-bir kishi o’zida mavjud bilim, ko’nikma va malakasidan foydalanish);
  
• 
  “yagona mikrofon” qoidasi (biror ishtirokchi o’z fikrini bildirayotganida boshqa uning gapini bo’lmaslik);
  
• 
  “shu yerda va hozir” qoidasi (guruhdagi muomala-munosabat mashg’ulot jarayoniga bevosita aloqador, ya’ni ayni payt bilan bog’liq bo’lishi);
  
• 
  “ixtiyoriylik” qoidasi (ishtirokchilarning trening mashg’ulotida o’z mulohazalarini bayon etish, o’yin va mashqlarda ishtirok etishida ixtiyoriylikni joriy qilish);
  
• 
  “vaqtni tejash” qoidasi (ishtirokchilar o’z fikrlarini aniqlashda, qisqa bayon etish);
  
• 
  “sir saqlash” qoidasi (treningda qo’llanilgan ishtirokchilarning kechinmalari, hayotiy ma’lumotlarining mashg’ulotdan chetga chiqmasligi).