Системавий тилшунослик тилни белгилар системаси сифатида ўрганувчи тилшунослик йўналиши

1. 
   Системавий тилшунослик – тилни белгилар системаси сифатида ўрганувчи тилшунослик йўналиши.
   
2. 
   Парадигматика – тил бирликларининг қиёсий муносабатларини системавий асосда ўрганиш усули.
   
3. 
   Синтагматика – тил бирликларининг нутқ жараёнидаги кетма-кет муносабати асосида шаклланиши.
   
4. 
   Таҳлил методикаси – тил бирликларини муайян тамойилга асосланиб ўрганиш усули.
   
5. 
   Инвариант – вариантлилик – тил бирликлари ва уларнинг нутқда турли кўринишда воқеланиши.
   
6. 
   Тил-нутқ дихотомияси – нутқий жараённинг бўлиниши. Тил инсон онгида имконият сифатида турувчи ҳодиса. Нутқ эса, мана шу имкониятнинг воқеланиши.
   
7. 
   Фонема – энг кичик тил бирлиги, бевосита кузатишда берилган товушларнинг лингвистик умумлашмаси, абстракцияси.
   
8. 
   Когеренция – товушларнинг ўзаро ёки бирининг иккинчисига комбинацион тобелиги.
   
9. 
   Дивергенция – комбинацион тобелик муносабати натижасида ҳосил бўлган комбинацион ўзгариш.
   
10. 
    Морфема – энг кичик маъноли бирлик, у нутқий жараёнда вариантлар орқали воқеланади.
    
11. 
    Деривацион морфемалар – янги лексема ясовчилар, сўз ясовчи аффиксал мофемалар.
    
12. 
    Реляцион морфемалар – янги сўз шаклини ясовчилар, шакл ясовчи аффиксал морфемалар.
    
13. 
    Лексема – семема ва номемаларнинг ўзаро муносабатидан ташкил топган бутунлик, унинг мазмуний мундарижаси аташ, ифода ва вазифавий семалар муносабатидан иборат.
    
14. 
    Номема – лексеманинг шаклий томони, сонема.
    
15. 
    Семема – лексеманинг мазмун томони.
    
16. 
    Вербоцентрик назария - (лотинча вербум-«феъл», «сўз» демакдир) сўзни тилнинг асосий бирлиги деб эътироф этувчи назария.
    
17. 
    Морфоцентрик назария - (лотинча морфе-«шакл» демакдир) тилнинг бирламчи маъно бирлиги сифатида морфеманинг эътироф этувчи назария.
    
18. 
    Социал дифференциация – ижтимоий ҳолатига кўра сўзловчи нутқининг фарқланиши.
    
19. 
    Пропозиция – гап (сўз) орқали англашиладиган ҳукм.
    
20. 
    Пресуппозиция – яширин ҳукм (пропозицияга зидланади).
    
21. 
    Пропозитив структура – бирор бир ҳукмни ифодалаш учун хизмат қилувчи структура.
    
22. 
    Лингвопоэтика – тилшуносликнинг адабиётшунослик билан муносабатидан ҳосил бўлган йўналиши.
    
23. 
    Прагматика – Тилшуносликнинг тил бирликларининг амалий томонларини ўрганувчи янги йўналиши.
    
24. 
    Социолингвистика – тилшуносликнинг жамиятшунослик билан муносабатидан пайдо бўлган янги йўналиши.
    
25. 
    Нейролингвистика – неврология ва тилшунослик орасидаги янги йўналиш.
    
26. 
    Паралингвистика – новербал воситаларни ўргнувчи тилшунослик йўналиши.