Samdu maktabgacha va boshlang’ich ta’lim fakulteti btu 302-guruh talabasi Sattorova Zulxumorning Umumiy psixalogiya fanidan tayyorlagan taqdimoti

SamDU Maktabgacha va boshlang’ich ta’lim fakulteti
BTU 302-guruh talabasi Sattorova Zulxumorning
Umumiy psixalogiya fanidan tayyorlagan taqdimoti
CHAQALOQLIK , GO‘DAKLIK , ILK BOLALIK DAVRINING PSIXALOGIK XUSUSIYATLARI

REJA ;
1 . CHAQALOQLIK DAVRINING PSIXALOGIK XUSUSIYATLARI
2 . GO‘DAKLIK DAVRINING PSIXALOGIK XUSUSIYATLARI
3 . ILK BOLALIK DAVRINING PSIXALOGIK XUSUSIYATLARI





CHAQALOQLIK DAVRINING PSIXALOGIK XUSUSIYATLARI

Chaqaloqning tug’ilishi sifat o’zgarish daqiqasi, ijtimoiy rivojlanishning yangi ko’rinishi boshlanadigan nuqta ekanligi bilan muhim ahamiyatga egadir. Shuning uchun tug’ilish tabiatning chaqaloq organizmiga kuchli larzaga keltiruvchi mo’jizasidir. Bunda ona qornidagi barqaror muhitda yashagan jonzot favqulodda yangi sharoitga, son-sanoqsiz xossa va xususiyatlarga ega bo’lgan qo’zg’ovchilar doirasiga tushadi. Avval chaqaloq organizmining ona organizmidan ajralishi sodir bo’lib, ijtimoiy-tabiiy sharoitlarga moslashuvi boshlanadi.
Chaqaloqning anatomik-fiziologik tuzilishini tahlil qilsak, uning suyak sistemasida ohak moddasi va har xil tuzlar yetishmasligining guvohi bo’lamiz. Shu sababli suyak funksiyasini ko’proq tog’ay to’qimalari bajaradi. Bosh suyaklari bolaning ikki oyligida o’zaro qo’shilib ketadi. Bosh suyakning peshona va tepa qismlari o’rtasida liqildoq deb ataladigan qalin parda va teri bilan qoplangan oraliq mavjud bo’ladi. U bola bir yoshdan oshganidan keyin suyak bi­lan qoplanib boradi, lekin u haqiqiy suyak bo’lmaydi.
Chaqaloqlarda bosh gavdaga nisbatan kattaroq ko’rinsa-da, u hali juda bo’sh, mukammallashmagan bo’ladi. Ularning organizmi jadal sur’at bilan o’sish davridan o’tadi. Bu davrda chaqaloqning og’irligi 3–5 kg bo’lishiga qaramay, miyasining og’irligi 300–350 grammni tashkil qiladi, xolos. Chaqaloqning miyasi hujayralarining miqdori, “ariqchalar”ning yaqqol ko’zga tashlanmasligi, nerv hujayralari tarmog’i jihatdan katta odamlarning miyasidan farq qiladi.