Sahna bezaklari: “Qoldi andin yaxshilig‘” (Baner)

Sahna bezaklari: “Qoldi andin yaxshilig‘” (Baner)
Bоbur pоrtrеti. Taxt. Shamdоn va sham.
Qadimiy vazalar, lavh, zar so‘zana. Tadbir qatnaschilari ham milliy liboslarda. Stollar ustiga kashta so‘zanalar yopilgan. Bobur asarlari hamda Bobur haqida yozilgan asarlardan vistavka tashkil etilgan, bukletlar, qadimiy kitoblar..................................................
Assalomu alaykum, jamiyat ma’naviyatining ziyobonlari, ilm-u fan gulshani bog`bonlari va aziz mehmonlar!
Dilbar va dilkash shoir Zahiriddin Muhammad Bobur tavalludining ________ yilligi munosabati bilan o‘tkazilayotgan “Qoldi andin yaxshilig‘” nomli adabiy-badiiy kechamizga xush kelibsizlar!
Mutafakkir Abdulla Qodiriy aytganidek : “Moziyga qaytib ish ko’rish xayrlik”, -deya tariximizning oltin sahifalaridan o’rin olgan bobokalonimiz, temuriylarning
so’nggi vakili Zahiriddin Muhammad Bobur siymosini
xotirlab, barkamol avlodlik burchini ado etsak.
Bobur nomin bilmas qaysi yurt bu kun,
Temuriy avlodi sarkarda durkun.
Tig‘ bilan zabt etmish Hind-u Osiyo,
She’r bilan olamni etdi mahliyo.
___________________________________________________
1-boshlovchi: O'zbekning salomi qaynoq qalbiday
Unda shukrona bor, pur ma’no kalom
Qo’lim ko’ksim uzra tutib baralla,
Men ham sizga deyman-salom,assalom!
2-boshlovchi: Salomdan boshlanar har bir qalbga yo’l
O’zbek deganiga bu aziz kalom
Men ham o’zbek axir, zo’r shukuh bilan,
Qo’lim ko’ksim uzra deyman assalom.
___________________________________________________
1-boshlovchi: Assalom-u alaykum, aziz mehmonlar.
2-boshlovchi: Assalom-u alaykum,qadrli ustozlar.
1-boshlovchi:Shu kunlarda o’zbek mumtoz adabiyoti-ning yirik vakili :buyuk shoir,tarixchi,tarjimon,mohir sarkarda,atoqli davlat arbobi,boburiylar sulolasi asos-chisi, o’zining sermazmun ijodi bilan adabiyotimiz
xazinasiga ulkan hissa qo’shgan ulug’ siymo -Zahiriddin Muhammad Bobur tavalludining _____ yilligi yurtimiz bo’ylab keng nishonlanmoqda
2-boshlovchi: Mamlakatimizning barcha joylarida Bobur hayoti va ijodiga bag’ishlangan ilmiy anjumanlar, uchrashuvlar, ma’naviy-ma’rifiy tadbirlar bo’lib o’tmoqda.
1-boshlovchi: Tarixni bezamish ne ulug’ zotlar
Ular ta’rifiga ojiz ming baytlar
Lekin bir shoir bor buyukdan buyuk
Barchaga manzur-u,barchaga suyuk.
2-boshlovchi: Asarlari hamon tillarda doston,
Bitgan har baytida ko’ngli namoyon
U hamon barhayot ,u hamon daho
Temuriy bobomiz –bu Bobur Mirzo.
1-boshlovchi:Tabrik uchun ilk so‘zni
______________________________________________________________________________________________________________________________________________________________________________________________________
Tabrik so‘zlaridan so‘ng mumtoz qo‚shiq, raqsi bilan ijro etiladi.