Пентхаусларнинг афзалликлари ва камчиликлари

Пентхаус нима?
Кўп қаватли биноларнинг юқори қаватида жойлашган очиқ майдонларни кўпчилик пентхаус эканлигига ишонишади, аммо бу нотўғри фикр. Қадимги француз тилидан сўзма-сўз таржима қилинганда "pentis" - шийпон, "house" - эса уй маъноларини англатади. Бошқача қилиб айтганда, пентхауслар Европада биринчи марта 19-асрда пайдо бўлган бўлиб, бу камбағал одамлар яшаши мумкин бўлган техник қаватлар ҳисобланилган. Улар кейинроқ, аниқроғи 1920-йилларда элита уйлари сифатида таснифлана бошланган.
Юқорида таъкидланганидек дастлаб пентхауслар фақат бинолардаги техник қаватлар сифатида яратилган. Коммуникация тизимлар пентхауслар орқали олиб ўтилган ва ҳар қандай зарур техник жиҳозларни ўрнатиш учун жой ёки омборхоналар сифатида фойдаланилган. Кейинчалик улар аста-секин "турар-жой чордоқлари" га айлана бошлади. Улар том остида ёки очиқ муҳитда жойлашганлиги сабабли, улар ҳар доим пастдаги қаватларга қараганда анча совуқроқ бўлган.
Бугунги кунга келиб турар-жой биноларида пентхаус шундай лойиҳаланилади-ки, ҳудуднинг бир қисми айвон ёки терассада жойлашган ҳовуз ёки қишки боғ учун ажратилади, иккинчи қисми эса уй-жой ҳисобланади.

Пентхаус - бинонинг юқори қаватида жойлашган, алоҳида зинапоялар ёки лифтлар орқали кўтарилиб чиқиладиган махсус жой. Пентхаус жуда қиммат бўлиши мумкин, лекин унда ҳар қандай нарсалар, масалан: бассейнлар, мини футбол майдонлари, ҳатто вертолётлар учун жой ёки голф майдончаларини ҳам лойиҳалаш мумкин бўлган ҳашаматли жой ҳисобланилади.

Таунхаус - квартиранинг бир тури, аниқроғи, бу кичик ер участкасидаги квартиралар тўпламидир. Пентхаусдан фарқли равишда таунхаус ер сатхида жойлашади, зинапоялар ёки лифтлар орқали кўтарилиб чиқилмайди. Таунхауслар бир нечта хонадонлар учун хизмат қилади.


ПЕНТХАУСЛАРНИНГ АФЗАЛЛИКЛАРИ ВА КАМЧИЛИКЛАРИ

• 
  ўзидан юқори қаватда қўшнилар йўқлиги сабабли шовқиндан ҳоли;
  
• 
  кўпинча пентхаусларга катта панорамали витражлар ўрнатилади, натижада ёруғлик билан яхши таъминланган бўлади;
  
• 
  ўз терасингизда туриб тоза ҳаводан нафас олишингиз, меҳмонларни қабул қилишингиз ёки кичик боғ ташкил қилиб шаҳарни томоша қилишингиз мумкин;
  
• 
  пентхаусларнинг ягона камчилиги унинг нархида яъни, қимматлиги ҳисобланади.
  

ТОМ КОНСТРУКЦИЯЛАРИ ВА МАТЕРИАЛЛАРИ

	йўлак плиткалари Қум қопламаси (тўшамаси) Қор ва ёмғир сувлари учун оқизиш қатлам Сувдан ҳимоя қатлам Иссиқлик ҳимоя қатлами Буғдан ҳимоя қатлам Т/Б плита