«Parametrli teńlemelerdi sheshiwde ornına qoyıw hám jiklew (dizyunkciya) metodın qollanılıw»

ÓZBEKSTAN RESPUBLIKASÍ JOQARÍ HÁM ORTA ARNAWLÍ BILIMLENDIRIW MINISTRLIGI

ÁJINIYAZ ATÍNDAǴÍ NÓKIS MÁMLEKETLIK

PEDAGOGIKALÍQ INSTITUTÍ

Matematika oqıtıw metodikası kafedrası

Magistratura bólimi
Anıq hám tábiyiy pánlerdi oqıtıw metodikası (matematika) qánigeliginiń 1-kurs magistrantı
Yesbergenov Atabektiń
______________________________________________páninen
«Parametrli teńlemelerdi sheshiwde ornına qoyıw hám jiklew (dizyunkciya) metodın qollanılıw»
atamasındaǵı


KURS JUMÍSÍ

Kafedra baslıǵı: doc. B.Prenov

Ilimiy basshı: N.Djumabaev
Magistrant: A.Yesbergenov

Nókis 2022

MAZMUNÍ

	Kirisiw………………………………………………………………	3
1-§.	Parametrli teńlemelerdi ornına qoyıw usılı menen sheshiw………..	5
2-§.	Parametrli teńlemelerdi jiklew (diz`yunkciya) metodı menen sheshiw……………………………………………………………...	10
	Juwmaqlaw.........................................................................................	17
	Paydalanılǵan ádebiyatlar…………………………………………..	18

Kirisiw
Kóplegen real fizikalıq hám basqa da máselelerdiń sheshimlerine alıp keledi. Parametrli teńlemeler oqıwshılardıń oylaw qábiletlerin rawajlandırıp ǵana qoymastan, bunday «matematikalıq material» tiykarında mekteptiń matematika kursında ushırasatuǵın máselelerdi sheship ǵana qoymastan, real ómirde ushırasatuǵın bazı bir máselelerdi sheshiwge de bolatuǵınlıǵı menen óz aldına qızıǵıwshılıq tuwdıradı.
Matematikada parametrge baylanıslı teńlemeler úlken áhmiyetke iye. Parametrli máselelerdıń kiritiliwi kóplegen máselelerdi sheshiwde áhmiyetli orındı iyeleydi. Parametrge baylanıslı algebralıq teńlemelerdi sheshiw usılları, mısallar járdeminde úyrenildi, bunday máselelerdi sheshiwde grafikalıq usılı paydalanıldı, kesimler usılı járdeminde sheshiw qollanıldı, sonday aq, parametrli teńlemelerdi ornına qoyıw usılı menen sheshiwge baylanıslı máseleler qollanıw hám taǵı basqalardı úyretiw áhmiyetli bolıp esaplanadı.
Bul kurs jumısınıń maqseti hám wazıypası, oqıwshılarǵa parametrge baylanıslı teńlemelerdi sheshiw usılların úyretiw arqalı olardıń logikalıq pikirlew qábiletlerin rawajlandırıwdan, matematika pánine bolǵan qızıǵıwshılıqların arttırıwdan ibarat.
Kurs jumısı orta mekteplerde joqarı klasslarda fakultativ sabaqlıqlar ushın oqıwshılardıń matematikalıq bilimlerin tereńlestirip, olardıń oylaw qábiletlerin rawajlandırıwǵa tiykarlanǵan oqıwlıq materiallardı islep shıǵıw maqsetke muwapıq keledi.
Kurs jumısısınıń obekti-matematikanı oqıtıw metodikası, mektep hám akademiyalıq liceylerde matematikanı oqıtıw processi. Kurs jumısısınıń predmeti- joqarǵı klasslar matematika oqıtıw processinde oqıwshılarǵa parametrge baylanıslı teńlemelerdi sheshiw usılların úyretiw arqalı olardıń ózbetinshe islew kónlikpe hám tájiriybelerin qáliplestiriw hám rawajlandırıw metodikası.
Bul kurs jumısı Parametrli teńlemelerdi sheshiwde ornına qoyıw hám jiklew (dizyunkciya) metodın qollanılıwǵa arnalǵan.
Kurs jumısı Kirisiw bóliminen, eki paragraftan, Juwmaqlaw bólimnen hám paydalanǵan ádebiyatlar diziminen ibarat.
Birinshi paragrafta parametrli teńlemelerdi ornına qoyıw usılı menen sheshiwge baylanıslı máseleler qarastırıladı.
Ekinshi paragrafta parametrli teńlemelerdi jiklew (diz`yunkciya) metodı menen sheshiw úyreniledi.
Bul kurs jumısında keltirilgen materiallar oqıwshılardıń oylaw qábiletlerin tereńlestiriwde járdem beredi.