O’zbekiston respublikasi navoiy kon-metallurgiya kombinati navoiy davlat konchilik instituti “konchilik” fakulteti

O’ZBEKISTON RESPUBLIKASI

NAVOIY KON-METALLURGIYA KOMBINATI

NAVOIY DAVLAT KONCHILIK INSTITUTI

“KONCHILIK” FAKULTETI

“Noyob va radioaktiv metall rudalarini qazish va qayta ishlash” kafedrasi
Jiyanov A.B, Sharipov L.O.,

Buriyev Sh.U., Djumaniyazov D.D.
“GEOMEXANIKA”

fanidan tajriba mashg’ulotlarini bajarishga doir

USLUBIY QO’LLANMA

Navoiy-2021

Tuzuvchilar: Navoiy davlat konchilik instituti “Noyob va radioaktiv metall rudalarini qazish va qayta ishlash” kafedrasi katta o’qituvchisi Jiyanov A.B., Sharipov L.O., assistentlar Buriyev Sh.U. va Djumaniyazov D.D.
“Geomexanika” fanidan tajriba ishlarini bajarishga doir uslubiy qo‘llanma. Navoiy: NDKI, 2021. 42 bet.
Ushbu uslubiy qo’llanma “Geomexanika” fanidan 5311600 – “Konchilik ishi” va 5321100 – “Noyob va radioaktiv metall rudalarini qazib olish, qayta ishlash texnikasi va texnologiyasi” yo’nalishlari bo’yicha ta’lim oladigan talabalarga mo’ljallangan bo’lib, o’z ichiga tajriba mashg’ulotlarini to’liq qamrab olgan. Qo’llanmada keltirilgan tajriba ishlari mazmuni namunaviy hamda ishchi rejadan kelib chiqqan holda tayyorlangan. Bundan tashqari talabalar mustaqil tarzda tajriba ishlarni bajarish imkoniyatiga ega bo’ladilar.

“Noyob va radioaktiv metall rudalarini qazish va qayta ishlash” kafedrasi yig’ilishida muhokama etildi va tavsiya etildi. Bayonnoma №__. “__” _____ 2021 y.

Uslubiy qo’llanma Navoiy davlat konchilik instituti Konchilik fakulteti Kengashida muhokama etildi va tavsiya etildi. Bayonnoma №__ “__” _____ 2021 y.

Uslubiy qo’llanma Navoiy davlat konchilik instituti o’quv-uslubiy kengashi ______ son qarori bilan chop etishga ruxsat etildi.

Taqrizchilar:

Tuxtashev A.B.	-	“Konchilik ishi” kafedrasi dostenti, t.f.n.
Jabborov O.I.	-	Navoiy kon-metallurgiya kombinati boshqarmasi “Konchilik” bulimi muhandisi

KIRISH

“Geomexanika” kursi bo’yicha Tajriba ishlarini bajarishga oid uslubiy qo’llanma konchilik fakultetining 5311600 – “Konchilik ishi” va 5321100 – “Noyob va radioaktiv metall rudalarni qazib olish, qayta ishlash texnikasi va texnologiyasi” yo’nalihlari bo’yicha kunduzgi bo’limlarida tahsil oluvchi talabalar uchun mo’ljallangan.

Tajriba ishlarini o’tkazishdan ko’zlangan maqsad - bir qator usullarni o’rganish hamda ular yordamida tog’ jinslarining ayrim fizik-mexanik xossalarini aniqlashdan iboratdir. Tajriba ishlari orqali talabalar eksperementlarni (ilmiy tajribalarni) tashkil etish, turli kattaliklarni o’lchash texnikasi va mazkur tadqiqotlar uchun kerakli bo’lgan laboratoriya jihozlari bilan tanishadilar.

Har qanday tajriba mashg’ulotlari oldidan har bir talaba mazkur qo’llanmadagi tegishli materiallarni mustaqil o’rganib chiqishi, hamda nazariy jihatdan tayyorlangan bolishi lozim. Bundan tashqari, tajriba ishlarini bajarish uchun elektr hamda issiqlik asbob-uskunalarini ishlatish bo’yicha texnika xavfsizligining maxsus qoidalari bilan tanish bo’lgan talabalarda ruxsat etiladi.

Jadvaldagi ma’lumotlar asosida tajriba ishlari tavsifida keltirilgan formulalar bo’yicha haqiqiy qiymatlar hisoblanadi, tajriba natijalari grafik usulda tasvirlanadi. Har bir tajriba ishini talaba shu kunning o’zida himoya qilishi lozim. Barcha tajriba ishlari bo’yicha ruxsat olmagung qadar talaba “Geomexanika” kursi bo’yicha yakuniy imtixon topshirishga kiritilmaydi. Har bir talaba tajriba ishlarini jadval bo’yicha ko’rsatilgan vaqtda o’tkazishi lozim.