O’zbekiston o’z mustaqilligini qo’lga kiritganiga chorak asrdan oshdi. Ko’hna tarix uchun nisbatan qisqa bu davrda xalqimiz tom ma’noda buyuk yo’lni bosib o’tdi

O’zbekiston o’z mustaqilligini qo’lga kiritganiga chorak asrdan oshdi. Ko’hna tarix uchun nisbatan qisqa bu davrda xalqimiz tom ma’noda buyuk yo’lni bosib o’tdi. Mamlakatimiz tarixidan o’rin olgan har bir sahifa, har bir yil bugun dunyo hamjamiyati haqli ravishda tan olayotgan ulkan yutuq va marralarimizning mustahkam zamini bo’lib xizmat qilmoqda.

Bunday muvafaqqiyatlar asosini yaratib bergan mustaqillik haqida fikr yuritganda O’zbekiston Respublikasi Birinchi Prezidenti Islom Abdug’aniyevich Karimovning quyidagi jumlalarini keltirib o’tishimiz lozim: “ Men shuni komil ishonch bilan aytishim mumkinki, mustaqil davlatlar davrasida O’zbekiston o’zining o’rnini egalladi. O’zbekiston tenglararo teng bo’ldi. Ana shuning o’zi ham umid yulduzidir ”¹

Birinchi Prezidentimiz I. A. Karimov mustaqil taraqqiyotning dastlabki tajribalarini, qiyinchilik va yutuqlarini tahlil qilib, o’zining nazariy izlanishlarini umumlashtirib, O’zbekiston mustaqil taraqqiyotining, islohotlarning asosiy 5 tamoyilini ilgari surdi va shu tariqa “ Taraqqiyotning o’zbek modeli ” dunyo yuzini ko’rdi.

Hozirgi kunda ham O’zbekiston mustaqil taraqqiyot yo’lida izchil davom etmoqda. Bunday ulkan maqsadlar va ularning amaldagi isboti sifatida O’zbekiston Respublikasi Prezidenti Shavkat Mirziyoyevning qizg’in faoliyatiga nazar solish kifoya. Prezidentimiz mamlakatimizni 2016 – yilda ijtimoiy-iqtisodiy rivojlantirishning asosiy yakunlari va 2017- yilga mo’ljallangan iqtisodiy dasturning eng muhim ustuvor yo’nalishlariga bag’ishlangan Vazirlar Mahkamasining kengaytirilgan majlisidagi ma’ruzasida : “ Birinchi Prezidentimiz tomonidan ishlab chiqilgan taraqqiyotning “ o’zbek modeli ”ni amalga oshirish va zamonaviy davlat barpo etish borasidagi strategic tamoyillarga biz o’sh ishimizda doimo suyanamiz. Bu tamoyillar O’zbekistonda bundan buyon ham siyosiy , iqtisodiy va ijtimoiy o’zgarishlarni ta’minlashning mustahkam poydevori bo’lib xizmat qiladi.”²

2017-yil 7-fevral kuni O’zbekiston Respublikasi Prezidentining farmoni bilan 2017 – 2021-yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar Strategiyasi qabul qilindi.

Shu tahlid keying 5 yillik maqsadlarimiz, aniq rejalarimiz va bularning amaliyoti bo’yicha qilinadigan ishlar belgilab olindi. Ushbu strategiya biz uchun yo’lchi yulduz vazifasini o’tamoqda desak hech mubolag’a bo’lmaydi.

Ushbu strategiya davlat va jamiyat qurilishini takomillashtirishni, qonun ustuvorligini ta’minlashni va sud – huquq tizmini yanad isloh qilishni, iqtisodiyotni rivojlantirishni hamda erkinlashtirishni, ijtimoiy sohani rivojlantirishni, xavfsizlikni, millatlararo totuvlikni va diniy bag’rikenglikni ta’minlashni nazarda tutadi.

Prezidentimiz Shavkat Mirziyoyev rahbarligida boshlangan, hayotga tatbiq etilayotgan izchil islohotlar, amaliy sa’y-harakatlar yangi taraqqiyot marralarini egallash, zamon shiddatiga mos ravishda rivojlanish, xalqimiz manfaatlarini ta’minlashga qaratilgani bilan g’oyat ahamiyatlidir.

Asrga tatigulik 2017- yilda faol tashqi siyosat olib borildi. Boshqa davlatlar tomonidan ham Harakatlar Strategiyasi katta qiziqish uyg’otdi.

2017-yilning 12-19-may kunlari davomida O’zbekiston

1^ Karimov I. A O’zbekiston mustaqillikka erishish ostonasida Toshkent – “ O’zbekiston ” – 2012, 417 b.

2^ . O’zbekiston Respublikasi Prezidenti Shavkat Mirziyoyevning mamlakatimizni 2016 – yilda ijtimoiy-iqtisodiy rivojlantirishning asosiy yakunlari va 2017- yilga mo’ljallangan iqtisodiy dasturning eng muhim ustuvor yo’nalishlariga bag’ishlangan Vazirlar Mahkamasining kengaytirilgan majlisidagi ma’ruzasi