Oddiy shirkat faoliyatiga ulush kiritish masalalari

5-kazus
Azamov, Ruslanov va Botirovlar tadbirkorlik faoliyati bilan shug'ullanish maqsadida oddiy shirkat shartnomasini tuzishadi. Bunda birgalikdagi faoliyatga Botirov tomonidan ta'sis etilgan "YUNAYK" MCHJ balansida (mulkida) turgan 4 ta yuk tashuvchi mashinadan 1 yil davomida foydalanish huquqi Botirovning ulushi sifatida kiritildi. Oradan 6 oy vaqt o'tib, "YUNAYK" MCHJ kreditorlari talabi bilan jamiyat mulkida bo'lgan mol-mulklarga, jumladan, shirkatga foydalanish huquqi bilan berilgan yuk mashinalariga undiruv qaratiladi hamda ular oddiy shirkat faoliyat yuritadigan sohada sheriklar uchun asosiy raqobatchi bo'lgan shaxs foydasiga realizatsiya qilinib, yuk mashinalari mulkdori "DOLYUS" MCHJga o'zgaradi. Bunda sheriklarning fikricha, "DOLYUS" MCHJda mashinalardan foydalanish huquqi amal qilishining qolgan 6 oyi mobaynida birgalikdagi faoliyatga qo'shilib, oddiy shirkatni boshqarishda qatnashib, raqobatchini "sindirish" niyati mavjud.
- Vaziyatdan kelib chiqib, oddiy shirkat ishtirokchilariga qo'yiladigan talablar;
- oddiy shirkat faoliyatiga ulush kiritish masalalari;
- sheriklarning oddiy shirkat faoliyatidan chiqishi (chiqarilishi);
- oddiy shirkatning bekor bo'lishi;
- oddiy shirkatni boshqarish masalalarini muhokama qiling.