Ўн тўртинчи маъруза. Давлат кадастралари ягона тизимига тегишли давлат кадастрлари маълумотларининг таркиби ва уларни тақдим этиш тартиби тўҒрисида

Ўн тўртинчи маъруза. ДАВЛАТ КАДАСТРАЛАРИ ЯГОНА ТИЗИМИГА ТЕГИШЛИ ДАВЛАТ КАДАСТРЛАРИ МАЪЛУМОТЛАРИНИНГ ТАРКИБИ ВА УЛАРНИ ТАҚДИМ ЭТИШ ТАРТИБИ ТЎҒРИСИДА

Маъруза режаси:
14.1. Давлат кадастрларини юритишнинг асосий принциплари.
14.2. Давлат кадастрлари ягона тизими ГАТига тегишли тематик қатламларни шакллантириш ва уларни давлат кадастлари ягона тизимига тақдим этиш.
14.3. Давлат кадастрлари ягона тизимига тақдим этишладиган маълумотларнинг таркиби ва мазмуни.


Таълим – тарбиявий вазифаси: талабаларга давлат адастрларини юритиш принципларини ўргатади, ҳар бир давлат кадастри ҳамда кон кадастри асослари булган Ер кадастри, бинолар ва иншоотлар, фойдали қазилма конлари, фойдали қазилма нишоналари ва техноген ҳосилалар давлат кадастрлари бўйича Давлат кадастрлари ягона тизимига тақдим этиладиган маълумотларни шакиллантириш ҳақида кўникмалар беради.


Жиҳозлар: Ўзбекистон Республикаси тасвирланган харита ҳамда
мавзули хариталар.

Ўзбекистон Республикасининг «Давлат кадастрлари тўғрисида»ги Қонуни ҳамда Вазирлар Маҳкамасининг 2005 йил 16 февралдаги 66-сонли қарори билан тасдиқланган «Давлат кадастрлари ягона тизимини яратиш ва юритиш тартиби тўғрисида»ги низомга мувофиқ, Давлат кадастрлари ягона тизимига тегишли давлат кадастрлари маълумотларининг таркиби ва уларни тақдим этиш тартиби қуйидагича белгиланган.

Қўлланилган асосий тушунчалар:
атрибутив маълумот — географик ахборот тизими объектларининг тавсифларини таърифловчи жадвалли ва/ёки матнли маълумотлар тўплами;
географик ахборот тизими (геоахборот тизими) (бундан буён матнда ГАТ деб юритилади) — географик объектлар тўғрисидаги маълумотларни тўплаш, қайта ишлаш, таҳлил қилиш, моделлаштириш ва акс эттириш, шунингдек рақамли картографик, ўхшаш ва матнли ахборотдан фойдаланган ҳолда умумдавлат (тармоқлараро) ёки тармоқ аҳамиятига молик ахборот ва ҳисоб-китоб вазифаларини ҳал этиш учун мўлжалланган автоматлаштирилган тизим;