Milliy ta`lim tizimini mustahkamlash, uni zamon talablari

KIRISH
Milliy ta`lim tizimini mustahkamlash, uni zamon talablari bilan uyg’unlashtirish asosida jahon andozalari va ko’nikmalari darajasiga chiqarish maqsadiga katta ahamiyat berib kelinmoqda.
Bizning amaldagi ta`lim-tarbiya tizimimiz bugungi zamonaviy, taraqqiy topgan demokratik davlatlar talablariga javob bera olishi zarur.
Kelajak avlod haqida qayg’urish, sog’lom, barkamol avlodni tarbiyalab, yetishtirishga intilish bizning milliy xususiyatimizdir. Bugungi kunda oldimizga qo’ylgan buyuk maqsadlarimizga, ezgu niyatlarimizga erishishimiz, jamiyatimizning yangilanishi, hayotimizning taraqqiyoti va istiqboli, amalga oshirilayotgan islohotlarimiz, rejalarimizning samarasi taqdiri–bularning barchasi, avvalombor, zamon talablariga javob beradigan yuqori malakali, ongli mutaxassis kadrlar tayyorlash masalasi bilan chambarchas bog’liq.
Respublikamizda avtomobil yo’llari qurilish hajmi yildan-yilga ko’payib, turli toifadagi avtomobil yo’llarining salmog’i oshib bormoqda. Bo’lajak mutaxassislar zimmasiga turli toifadagi avtomobil yo’llari loyihalash, qurilish va ularni saqlashga doir murakkab nazariy va amaliy bilimlarni o’rganishga oid muhim vazifalar yuklatilgan. Ular zamonaviy ta`lim texnologiyalaridan foydalana oladigan, amaliyot va texnikaning eng so’nggi yutuqlaridan doimo boxabar bo’lib turishi va o’z sohasi bo’yicha muayyan nazariy, ilmiy va amaliy bilimlarga ega bo’lishlari lozim.
Bugungi kunda mutaxassis kadrlarni tayyorlash, ta`lim va bilim berish tizimi, hayotimizda, jamiyatimizda amalga oshirilayotgan islohotlar, yangilanish jarayonlari talablari bilan yaqindan chambarchas, har tomonlama bog’langan bo’lishi kerak.
Talabalarda kasbiy bilim va malakalarni shakllantirish samaradorligi ko’p jihatdan ularning nazariy va amaliy tayyorgarligi bilan bog’liq.
Amaliyotlar bakalavriat ta`lim dasturining asosiy qismi hisoblanadi. U tanishuv, o’quv yoki o’quv–ishlab chiqarish mashg’ulotlari ko’rinishida bo’lib, talabalarning kasbiy–amaliy tayyorgarligiga bevosita yo’naltirilgan bo’ladi. Bakalavrlar tayyorlashning ta`lim dasturi tanishuv, ishlab chiqarish va diplom oldi amaliyotlarini o’tashni o’z ichiga oladi.