|
Mavzu; TIL-DIL KALITI.
1-Boshlovchi;
Assalomu alaykum,aziz ustozlar, qadrli o’quvchilar! Bugungi tadbirimizni ,,TIL – DIL KALITI’’ deb nomladik.O’zbek xalqining tili bo’lgan ona tilimizga bag’ishladik.Marhamat, tinglab nomosha qiling.(so’ng O’zbekiston Respublikasining Davlat Madhiyasi yangraydi)
2-Boshlovchi:
O’zbekiston Respublikasining Davlat tili O’zbek tilidir.Davlat tili haqidagi qonun 1989-yil 21-oktabrda qabul qilingan.1995-yil 21-dekabrda esa u yanada takomillashtirildi.Ushbu qonun milliy qadriyatlarimizni tiklash va rivojlantirish uchun katta imkoniyatlar berdi.Respublikamizning barcha ta’lim muassasalarida o’zbek tilini o’qitish,ilmiy va rasmiy, ma’muriy ishlarning o’zbek tilida olib borilishi yo’lga qo’yildi.Til haqidagi qonunda O’zbekistonda yashaydigan barcha millat vakillarining davlat tiliga kata e’tibor bilan qarashlari ta’kidlanadi.
O’quvchi;
Til millatning ulkan boyligi va bebaho mulkidir.O’zbekiston Respublikasining davlat tili o’zbek tilidir.O’zbek tili o’zbek xalqining ma’naviy mulkidir.
Davlat tili olibsan tilim,
Kamolot sari yo’l olibsan tilim.
O’quvchi;
,,Ona tilim’’ she’ri
Ota bo’lib otlangan tilim
Ona bo’lib shodlangan tilim.
Bola bo’lib yodlangan tilim
Bu- ona tilim
Boshimda bosh bor ekan borsan
Ko’zimda yosh bor ekan borsan
Toki quyosh bor ekan borsan
Ona tilim
Ona tilim omon bo’l doim
Baxtiyorman deyman,, Assalom’’
O’zbekiston ona yurtida
Jaranglasin o’zbekcha kalom.
1-Boshlovchi;
Ulug’ bobokalonimiz she’riyat mulkining sultoni A.Navoiy so’z haqida shunday deganlar;
O’quvchi;
So’zdurki, nishon o’likka jondin,
So’zdurki,xabar berur jonga jonondin
Insonni so’z ayladi judo hayvondin,
Bilkim guhari sharifroq yo’q ondin.
O’quvchi;
Ona tilim- ona tilim g’ururi
Ona tilim- muqaddas va beg’ubor
Tilimiz boy,tilimiz sof,go’zaldir.
Bari maqol,bari masal,mataldir.
2-Boshlovchi;
Til – millatning qalbi,ajdodlarimiz tomonidan qoldirilgan bebaho xazina.Til- dilning tarjimoni,inson kamolotining belgisi.Til- umr bo’yi o’rganiladigan fan,sayqal bergan sari ochilib yashnaydigan san’at durdonasi.
RAQS. ,,Yigitlar’’
1-boshlovchi
A.Navoiy ota-jnalarni ulug’larni ulug’lash,hurmat qilish,ota –onaning hurmatini joyiga qo’yish har bir farzandning burchi ekanini aytganlar.Bu burchni farzandlarimiz shirinso’zlik,rostgo’ylik,halollik bilan ado etishlari shart.
2-Boshlovchi
Navoiy inson kamolotida ustoz muallimning roli beqiyos ekanini uqtiradi.U o’z hikmatlaridan biridan birida shunday deydi;
Haq yo’lida kim senga bir harf o’qitmish ranj ila
Aylamak bo’lmas ado oning haqqin yuz ganj ila.
Shahna ko’rinishi.
Husayn Boyqaro;
Do’stim,Mir Alisher,oqilsiz,
Yaxshilab fikrlab ko’ring.
Birinchi o’ringa qo’yursiz kimni-
Aziz otangiznimi yoki muallimni?
Alisher Navoiy;
Avval ustozimga bergayman salom!
Husayn Boyqaro;
Hayhot! Nechun?
Nahot otangizdan ulug’dir ul zot?
Alisher Navoiy;
Ha,otam joy olmish yurak- yurakdan,
Yerga tushirdilar meni falakdan.
Ustozchi,ko’nglimni burib iymonga,
Ko’tardilar meni yerdan osmonga.
Husayn Boyqaro;
Ofarin,tasanno!
1-Boshlovchi;
Hozir xalqimizning so’z haqidagi durdonalaridan,maqollaridan tinglaysiz.
O’quvchilar;
1.Bir og’iz shirin so’z kishini qahraton sovuqda ham isitadi.
2.Yaxshi so’z ko’ngil podshosi.
3.Odamni bitta so’z yerga teng qilur.
4.So’z qilichdan keskir.
5.Shifokorning dorisi emas,so’zi davodir.
6.Yaxshi so’z odamga qanot bag’ishlaydi.
2-Boshlovchi;
Xalqimizning bu bebaho fikrlari bizlar uchun ibratlidir.Keling aziz o’quvchilar shirinso’zli,ochiq yuzli bo’laylik.Bir birimizdan shirin so’zimizni ayamaylik.
RAQS ‘’QIZLARJON’’
1-Boshlovchi;
Aziz o’quvchilar!O’z tillarini buzib, boshqa tillarda so’zlashishni yaxshi ko’radigan ayrim kimsalar ham uchrab turadi.Bularga o’zbek tilining sofligi,go’zalligi,jozibadorligini tushuntirishimiz kerak bo’ladi.
O’quvchi;
Oshkoralik zamon bugun
Yechilmoqda mushkul tugun
Yangilanish tiniq hayot
Uchun dadil yozib qanot
Davlat tili bo’ldi tilim
Quvonchlarga to’ldi dilim
Siz tilni asrasangiz har nedan ortiq
Yagona zaminni asragansimon
Bobolardan qolgan bu tortiq
Toki avlodlarga yetolsin omon!
O’quvchi;
Nutq eng kata boylikdir.Inson nutqi gapira olishi bilan ulug’dir.Barcha asrlarda xalqlarni bir biriga bog’laydigan,yaqinlashtiradigan asosiy vosita til bo’lgan.Ayrim tillar hatto xalqlar o’rtasida ko’prik vazifasini bajargan.Shuning uchun ,,Til bilgan- dil biladi’’deydilar.
O’quvchi;
Til- insonlar o’rtasida muloqot vazifasini bajaradi.Har bir millat tarixi,qadriyatlarini aks ettiradigan til milliy tildir.Til har bir xalq hayoti bilan bog’liq holda taraqqiy qiladi,boyiydi,sayqallanadi,jamiyatda qadr topadi.Shuning uchun u ijtimoiy hodisa.
2-Boshlovchi;
Aziz o’quvchilar,o’zbek tilining- javohir xazinasining benihoya boyligi,go’zalligi, nafisligi,jozibadorligini asraylik .Tilimizning bebaho xazinalarini qunt bilan o’rganaylik,tilimizning qadriga yetaylik.Biz mustaqil O’zbekistonimizning aziz farzandlarimiz.Uning ertasi va kelajagimiz.Vatanimiz kelajagi bizning qo’limizda.
1-Boshlovchi;
Aziz ustozlar,qadrli o’quvchilar! Shuning bilan bugungi bayram tadbirimiz o’z nihoyasiga yetdi.E’tiboringiz uchub rahmat!
QO’SHIQ ,,ONA TILIM’’
( Barcha qatnashuvchilar sahnaga chiqadilar.Qo’shiqni birgalikda kuylaydilar)
Tilim chiqqan so’zing bilan
Dilim ravshan o’zing bilan
Faxr etadi xalqim, elim
Ona tilim, ona tilim.
Naqorat
Yagonasan Vatan misol
Sendan topdim baxt,iqbol
Xazinangni qalbim, dilim
Ona tilim, ona tilim.
Onam aytgan allalaring
To’y bayramda yallalaring
Eshitganim ertak, naqlim
Ona tlim, ona tilim
Naqorat
Yagonasan Vatan misol
Sendan topdim baxt,iqbol
Xazinangni qalbim, dilim
Ona tilim, ona tilim.
Mehring to’la quchog’ingda
Jaranglaysab qulog’imda
Sen tufayli to’ldi aqlim
Ona tilim, ona tilim
Juda qadim sharqonasan
Asli zoti turk onasan
Hikmatlaring yodlar aqlim
Ona tilim, ona tilim.
Naqorat
Yagonasan Vatan misol
Sendan topdim baxt,iqbol
Xazinangni qalbim, dilim
Ona tilim, ona tilim.
Qorao’zak tumani Xalq ta’limi bo’limi tasarrifidagi 15 - umumiy o’rta ta’lim maktabining o’zbek tili fani o’qituvchisi Utemuratova Syuzannaning “ Til – dil kaliti” mavzusidagi o’tkazilgan tadbiri.
Do'stlaringiz bilan baham: | 
