Matematika mashg‘ulotida ta’limiy o‘yinlardan foydalanish. Qo‘chqorova D

Matematika mashg‘ulotida ta’limiy o‘yinlardan foydalanish.
Qo‘chqorova D.
Mashg‘ulot matematika.
Mavzu: “Hafta kunlari”. Ta’limiy o‘yin.
Maqsad: Bolalarda hafta kunlari haqidagi dastlabki tushunchalarni hosil qilish. Bolalarni hafta kunlarining nomlari bilan tanishtirish va farqlashga o‘rgatish. Bolalar hafta kunlarining nomlarini nutqda to‘g‘ri ifodalashni o‘rgatish.
Kerakli jihozlar: Hafta kunlarini ifodalovchi doirachalari bor kata doira shakli. Hafta kunlarini ifodalovchi 1 dan 7 gacha son bilan ko‘rsatilgan kartochkalar jadvali.
Faoliyatni borishi: Bolajonlar mana bu topishmoqning javobini topishga harakat qilib ko‘ringlarchi:
Otlari har xil,
Yoshlari bir xil.
Bolajonlar meni diqqat bilan eshitsangiz topishmoqning javobi nima ekanligini bilib olasizlar.

1. 
   Bolajonlar kecha qaysi kun edi? (Bolajonlar javobi).
   
2. 
   Bugun qaysi kun? (Bolajonlar javobi).
   
3. 
   Ertaga qaysi kun? (Bolajonlar javobi).
   
4. 
   Bolajonlar bir haftamizda necha kun bor? (Bolajonlar javobi).
   

Qani kelinglar bolalar sizlar bilan bir jismoniy daqiqa o‘tkazib olaylik.
Tarbiyachi:
O‘ng qo‘limiz dushanba,
Chap qo‘limiz seshanba.
Ikkalasi chorshanba,
Yuzimiz payshanba.
Yuragimiz juma,
Qornimiz shanba,
Dam olamiz yakshanba.
Bolajonlar bugungi mavzumiz nima haqida ekanligini bilib oldik. Bir haftamizda 7 kun bor ekan, mana shu yetti kundan biz dushanba, seshanba, chorshanba, payshanba, juma kunlari bog‘chaga kelar ekanmiz. Shanba va yakshanba kunlari uyda dam olamiz.
Bolajonlar hozir men sizlarga topishmoqlar aytaman. Men qaysi son haqida topishmoq aytganligimni topasiz.
Bolajonlar:

Noldan keyin turaman, Chizg‘ichingga qarab boq. Sonlar ichra doimo, Birinchiman ay o‘rtoq.	Qomatimni ko‘rganlar, Qiyos qilar oq qushga. Mendan dir-dir titraydi, Ixlosi yo‘q o‘qishga.
Bilimingni baholab, Noiloj ko‘nikaman. Qachon 4 ga yetar deb, Ko‘z tikib toliqaman.	To‘nkarilgan stulga, O‘xshab ketar bo‘y-bastim. Otim yaxshi to‘rtta harf, Besh mening yaqin do‘stim.
Rassom chizar o‘xshatib, Yuk ko‘targich ilmoqqa. Men muallim sovg‘asi, Bilimdon har o‘rtoqqa.	Koptok misol qornimni, Soyabonga olaman. Bir, ikki, uch o‘zimga, Teng bo‘lina qolaman.
Shapka kiyib boshimga, Belboqqa boylanaman. Xizmatiga tayyorman, Mehnat sevar o‘rtoqning.

Bolajonlar hozir sizlar hafta kunlari haqida sherlar aytdingiz, topishmoqlar aytdik.
Kelinglar endi “Hafta” ta’limiy o‘yinini o‘ynaymiz.
Tarbiyachi: 1 raqami yozilgan kartoshka dushanbani bildirishini, 2 raqami yozilgan kartoshka seshanbani va nihoyat 7 raqami yozilgan kartoshka yakshanbani bildirishini tushuntiradi. Bolalar xor bo‘lib hafta kunlari nomini takrorlaydilar.
Tarbiyachi: 7 ta bolani chaqiradi va ularga kartochkalarni beradi. 7 ta bolaning har biri hafta kuni bo‘ladi. So‘ngra tarbiyachi haftaning istalgan kunini aytadi. Bola birinchi bo‘lib chiqadi (juma).
Hafta saflan: bolalar jumadan oldin va keyin saflanishlari kerak. Safda xato bo‘lsa boshqa bolalar to‘g‘irlaydilar. O‘yin shu tarzda davom etadi.
O‘yin yakunida bolalarni rag‘batlantirish.
Bolalar bilimini mustahkamlash uchun savollar:

1. 
   Bir haftada necha kun bor?
   
2. 
   Aysi kunlar biz dam olamiz?
   
3. 
   Jumadan keyin qaysi kun keladi?