Маъруза №4 Мавзу: Сут ва доимий тишлар переодонтити. Этиологияси, патогенези, Клиник кечишининг узига хос хусусиятлари. Даволаш

Маъруза №4 Мавзу: Сут ва доимий тишлар переодонтити. Этиологияси, патогенези, Клиник кечишининг узига хос хусусиятлари. Даволаш.

Тошкент Давлат Стоматология Институти
Стоматологик касалликлар профилактикаси
Маърузачи: т.ф.д.,проф. Мирсалихова.Ф.Л
МАЪРУЗА МАҚСАДИ:

• Талабалар эътиборини болалар ёшида периодонт тузилишига ва инфекция кирувчи йулларга қаратилган.
• Периодонтитлар таснифи билан таништириш, ўткир ва сурункали периодонтитлар кечишининг узига хос хусусиятлари.
• Сурункали грануляцияланувчи периодонтитларнинг болалар ёшида ўзига хос хусуиятлари билан талабаларни таништириш
• Ўткир чўққи периодонтитининг қиёсий ташхиси (ўткир пульпит, ўткирлашган сурункали периодонтит, ўткир периостит)
• Периодонтитлар рентген тахлили билан таништириш (суяк сўрилиши, илдизлар шаклланиши, сўрилиши ва тиш фолликулалар топографияси, ўсиш сохасини ажратиш ва х.к)

Периодонт - бу мураккаб қушувчи тўқимали анатомик структура бўлиб, тиш ва альвеола компакт пластинкаси орасида жойлашган бўлади. Периодонт кўшувчи тўқимасида хужайра оралиқ модда билан биргаликда фиброзли коллаген толалар, қон томирлар ва нерв толалари мавжуд. У толалар устиворлигида тузилган специфик кўшувчи тўқима ҳисобланади.
Периодонт тўқимаси болаларда юмшоқ толали қон томирларга, хужайра элементларига бой бўлганлиги учун хар қандай ташқи таъсиротларга реактивлиги юқоридир. Болалар ёшида периодонт тўқимаси структураси тургун эмасдир. Чунки тишлар илдизлари шаклланиши, сўрилиши давомида ва боланинг ўсиши жараёнида периодонт шу жараёнларга мослашиб ўзгариб туради.
Периодонт функцияси:

• Таянч
• Босимни таксимловчи
• Пластик
• Трофик
• Сенсор
• Химоя

ПЕРИОДОНТИТ
Периодонтит – бу тиш илдизи атрофидаги қўшувчи тўқиманинг алтерация, экссудация ва пролиферация каби белгилар билан кечевчи яллиғланиш жараёнидир.