Markazning asosiy maqsadi va vazifalari

NAVOIY VILOYATI MUDOFAA ISHLARI BOSHQARMASI HUZURDAGI CHAQIRILUVCHILARNI HARBIY-TEXNIKA MUTAXASSISLIKLARI BO`YICHA TAYYORLASH MARKAZI

O`zbekiston Respublikasi Prezidentining 2018 yil 12 dekabr kunidagi PQ-4061-sonli Qarori, O`zbekiston Respublikasi Mudofaa vazirining 2018 yil 20 dekabr kunidagi 759-sonli buyrug`I, Markaziy harbiy okrug qo`shinlari qo`mondonining 2018 yil 21 dekabr kunidagi 519-sonli buyrug`I talablariga muvofiq, 2019 yil 3-fevraldan Mudofaaga kumaklashuvchi “Vatanparvar” tashkiloti Navoiy abtomobil maktabi Markaziy harbiy okrug tasarrufiga o`tkazilgan.

Navoiy viloyati mudofaa ishlari boshqarmasi huzurdagi chaqiriluvchilarni harbiy-texnika mutaxassisliklari bo`yicha tayyorlash markazi Navoiy shahar, S.Ayniy ko`chasi 63-uyda joylashgan bo`lib, jami umumiy maydoni 2,65 gektardan iborat hamda Navoiy viloyati Karmana tumani Yangi ariq mahalla hududida 10,0 gektar yer maydonidan iborat “Avtodrom” mavjud.
Markazning asosiy maqsadi va vazifalari:
O`zbekiston Respublikasi Qurolli Kuchlarining muddatli harbiy xizmatchilar bilan to`ldiriladigan lavozimlarini markazlarda maqsadli ravishda harbiy-texnika mutaxassisliklari bo`yicha tayyorlangan chaqiriluvchilar bilan butlash;
Chaqiriluvchilarni vatanparvarlik ruhida tayyorlash, ular ongida milliy g`oyaga sodiqlik, o`z vatani bilan faxrlanish, harbiy burchni ongli ravishda ado etishga shaylikni shakllantirish va bo`lajak vatan himoyachilari sifatida harbiy intizomga o`rgatish;
Markazlarda harbiy-texnika mutaxassisliklari bo`yicha o`qitish jarayonida chaqiriluvchilarga zamonaviy harbiy-texnika va qurol-aslahalrni ishlatish, ularga texnik xizmat ko`rsatish ishlarini mustaqil bajarish bilan bog`liq ko`nikmalarini shakllantirish;
Chaqiriluvchilarni umumiy va o`rta maxsus ta`lim muassasalarida chaqiruvga qadar tayyorgarlik fani bo`yicha egallagan bilim va ko`nikmalarini yanada takomillashtirish, ularni muddatli harbiy xizmatni o`tashga jismonan va ruhan tayyorlash.
Markaz o`quv moddiy texnika bazasi:
Markazda zamon talablariga javob beradigan 50 m masofadan dushmanni joyida paydo bo`luvchi va harakatlanuvchi nishoniga otish TIR o`quv-moddiy texnik bazasi, Yoshlarni jismoniy chiniqtirish uchun sport majmuasi, an`anaviy kurash, stol tennis zali, trenajyor, shaxmat va shashka, aviamodel to`garaklari, “B” va “C” toifalari haydovchisi mutaxassisligi bo`yicha trenajyorlar, zamon talablariga javob beradigan sinf xonalar, transport vositalari, “Radiotelefonist” mutaxassisligi bo`yicha radio stansiyalar mavjud.

O`zbekiston Respublikasi Mudofaa vazirining 2019 yil 3 iyundagi 532-sonli “Chaqiriluvchilarni harbiy-texnik mutaxassisliklari bo`yicha tayyorlash o`quv dasturi”ga asosan 2022-2023 oquv yilida 3 bosqichda o`quv jarayoni tashkillashtirilib, unda har bosqichda 56 nafardan chaqiruvchi jalb qilinadi, 26-nafar chaqiriluvchi “B” va “C” toifalari haydovchisi mutaxassisligi hamda 30 nafar “Radiotelefonist” mutaxassisligi bo`yicha chaqiriluvchilar, yil davomida 78 nafar “B” va “C” toifalari haydovchisi mutaxassisligi va 90 nafar “Radiotelefonist” mutaxassisligi bo`yicha chaqiriluvchilar qabul qilinadi. Ularning axloqiy – ruhiy holatini va ma`naviy immunetetini oshirish maqsadida rejaga asosan muzey, kino-teatr, ziyoratgohlarga olib boriladi va o`quv mavsumida o`q otish maydonida harbiy-taktik mashg`ulotlar o`tkaziladi.


Oziq-ovqat va kiyim-kechak ta`minoti:
Markazda taxsil olayotgan chaqiriluvchilar O`zbekiston Respublikasi Mudofaa vazirining 2018 yil 20 dekabr kunidagi 759-sonli buyrug`Iga asoan Markazda mavjud 100 o`rinlik oshxonada 3 mahal bepul ovqatlanish, yuvinish va kiyim-kechaklar(choychab, yostiq jildlari, yuz va oyoq sochiqlari) bilan ta`minlanadilar.



O`zbekiston Respublikasi Vazirlar mahkamasining 2019 yil 9 sentabrdagi 749-sonli “Chaqiriluvchilarni harbiy-texnika mutaxassisliklari bo`yicha tayyorlash Markazlari faoliyatini tashkil etish chora-tadbirlari to`g`tisida”gi qarori hamda O`zbekiston Respublikasi Mudofaa vazirining 2019 yil 3 iyundagi 532-sonli “Chaqiriluvchilarni harbiy-texnik mutaxassisliklari bo`yicha tayyorlash o`quv dasturi”ga asosan
Chaqiriluvchilarini quyidagi yo`nalishlar bo`yicha o`qishga taklif qiladi:
1. “B” va “C” toifalari haydovchisi mutaxassisligi;
O`zbekiston Respublikasi Mudofaa vazirining 2019 yil 3 iyundagi 532-sonli “Chaqiriluvchilarni harbiy-texnik mutaxassisliklari bo`yicha tayyorlash o`quv dasturi”ga asosan “B” va “C” toifalari haydovchisi mutaxassisligi bo`yicha taxsil oladigan chaqiriluvchilar bepul o`qitilib, o`qish muddati tugagach sertifikat hamda imtihon asosida haydovchilik guvohnomasi beriladi.

Chaqiriluvchi bilishi shart:
avtomobilning tuzilishi va texnik imkoniyatlarini;
avtomobildan foydalanish va YuHQ buzilgandagi javobgarliklari haqida.


Chaqiriluvchi majburiyati:
Davlat ramzlarini bilishi shart;
Haydovchining axloq etikasini;
Oddiy va murakkab sharoitlarda harakatlanish usullarini bilishi shart.


2. “Radiotelefonist” mutaxassisligi.
O`zbekiston Respublikasi Mudofaa vazirining 2019 yil 3 iyundagi 532-sonli “Chaqiriluvchilarni harbiy-texnik mutaxassisliklari bo`yicha tayyorlash o`quv dasturi”ga asosan “B” va “C” toifalari haydovchisi mutaxassisligi bo`yicha taxsil oladigan chaqiriluvchilar bepul o`qitilib, o`qish muddati tugagach sertifikat beriladi.
Chaqiriluvchi bilishi shart:
Qurilmalar bilan ishlashni;
Elektr tokini inson hayotiga ta`sirini.


Chaqiriluvchi majburiyati:
Davlat ramzlarini;
Texnika xavfsizligi qoidasini;
Oddiy va murakkab sharoitlarda muomala qilishni bilishi shart.