ЛойиҳА Ҳоким ёрдамчилари фаолиятини ташкил этиш тартиби тўғрисидаги

ЛОЙИҲА
Ҳоким ёрдамчилари фаолиятини ташкил
этиш тартиби тўғрисидаги
НИЗОМ
Мазкур Низом Ўзбекистон Республикаси Президентининг 03.12.2021 йилдаги "Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида"ги ПҚ-31-сон қарори асосида ишлаб чиқилган бўлиб, ҳоким ёрдамчилари фаолиятини ташкил этиш тартибини белгилайди.
1-боб. Умумий қоидалар

1. 
   Ушбу Низомда қуйидаги асосий тушунчалар қўлланилади:
   

ҳоким ёрдамчиси - ҳар бир маҳаллага тадбиркорликни ривожлантириш, фуқароларнинг бизнес лойиҳа ва ташаббусларини қўллаб-қувватлаш, аҳоли бандлигини таъминлаш ҳамда камбағалликни қисқартириш масалалари бўйича бириктирилган мансабдор шахс;
Маҳаллабай ишлаш ва тадбиркорликни ривожлантириш марказлари - тадбиркорликни ривожлантириш, аҳоли бандлигини таъминлаш ҳамда камбағалликни қисқартириш масалалари бўйича бириктирилган ҳоким ёрдамчилари фаолиятини мувофиқлаштириб бориш, уларга амалий ва услубий ёрдам кўрсатиш мақсадида юридик шахс ташкил этмаган ҳолда тузиладиган, туман [шаҳар] ҳокимликлари таркибидаги тузилма;
вилоятдан бириктирилган вакил -давлат ҳокимияти ва бошқаруви, ҳуқуқни муҳофаза қилувчи ҳамда назорат идораларининг ҳоким ёрдамчилари фаолиятини самарали ташкил этиш мақсадида туман- шаҳарларга бириктирилган вилоят даражасидаги раҳбар ходимлари;
драйвер - ҳудуднинг (кўча, маҳалла, қишлоқ, овул) тадбиркорликка ихтисослашуви, табиий, демографик ва бошқа шарт-шароит ҳамда имкониятларидан келиб чиққан ҳолда аниқланадиган ривожланиш йўналиши - "ўсиш нуқтаси";
субсидия - қонун ҳужжатларида белгиланган муайян тоифадаги шахсларга уларнинг даромад топишига кўмаклашиш мақсадида давлат ҳисобидан бериладиган ва қайтариб берилмайдиган маблағ;