Leykemiya 20 yoshgacha bo’lgan bolalar va o’smirlar orasida eng ko’p uchraydigan saraton bo’lib, har uch saratonning bittasini tashkil qiladi. Bu ko’rsatkich bolalar patologiyasi sarhisobida olganda

Annotatsiya

Leykemiya 20 yoshgacha bo’lgan bolalar va o’smirlar orasida eng ko’p uchraydigan saraton bo’lib, har uch saratonning bittasini tashkil qiladi. Bu ko’rsatkich bolalar patologiyasi sarhisobida olganda. Leykoz asosan 60 yoshdan oshgan odamlarda uchraydi. 2017-yilda 60 mingdan ortiq odamga leykemiya tashxisi qo’yilgan.

Ushbu kasallik bo’yocha ko’plab tadqiqotlar olib borilgan bo’lsada, kelib chiqish sababi, to’liq davolash usullari, erta tashxis qo’yish haqidagi ma’lumotlar hali fanga noma’lum sanaladi. Bu kasallikning dolzarbligining yana bir sababi kasallik turlarining ko’pligida va bu turlar o’rtasidagi ma’lum farqlardadir. Hozirgi kunda leykemiyani vaqtincha davolash ya’ni bemor umrini bir necha oylarga uzaytirib turish chorasi topilgan. Bu asosan kimyoviy terapiya orqali bo’lib, bu jarayon nafaqat rak hujayralarini balki organizmdagi barcha hujayralar faoliyatini sezilarli darajada susuaytiruvchi moddalar kompleksidan iborat bo’lib, organizmda bir qancha anormal o’zgarishlar keltirib chiqaradi. Shuning uchun biz leykozni davolashning biologik usullar orqali amalga oshirishga qaror qildik. Buning uchun biz xalq tabobati qo’llanmalaridan leykozga davo bo’ladigan 6 ta o’simlikni topdik. Ular: Katta zubturum- Plantago major, Dorivor gulxayri- Althaea officinalis, Qiziltasma- Polygonum aviculare, Ermon shuvog’i-Artemisia absinthum, Makkai sano- Cassia angustifolia, Qo’ypechak- Convolvolus arvensis. Ushbu o’simliklarning ma’lum og’irlikdagi qismini olib, unga 1:10 yoki 1: 5 nisbatda 96% li etil spirti qo’shdik natijada spirtga o’simlik tarkibidagi barcha biokimyoviy moddalar spirt tarkibiga o’tdi. Biz endi uni filtrlab, spektrofotometrda antioksidantligini aniqlashimiz mumkin. So’ng ulardan dorivor preparatlar tayyorlab, leykoz yuqtirilgan laboratoriya oq kalamushlari tanasiga jo’natamiz. Ulardagi o’zgarishlarni kuzatib, jarayonlarni taxlil qilamiz.
Leykozni, umuman olganda onkologik kasalliklarni to’liq davolash usulini aniqlash zamonaviy tibbiyot oldida turgan muammolardan biri hisoblanadi. Chunki, yuqoridagi faktlarga tayanib aytadigan bo’lsak, ayni paytda nafaqat yer yuzida balki O’zbekistonimizda ham leykoz bilan kasallangan bemorlar soni oz emas.