laboratoriya ishi soat Mavzu: Yo‘llardagi harakat miqdori va tarkibini aniqlash Ishning maqsadi

---

1-laboratoriya ishi - 2 soat 
 Mavzu: Yo‘llardagi harakat miqdori va tarkibini aniqlash 
Ishning maqsadi: 
Mavjud harakat miqdori va tarkibini yo‘lning o‘ziga chiqib 
aniqlash. 
Ishni bajarish tartibi:
Ushbu ishda talabalar harakat miqdorini ko‘z bilan 
ko‘rib aniqlash usuli bilan tanishadilar (vizual). Ko‘z bilan ko‘rib, harakat miqdorini 
hisoblash usuli quyidagilardan iborat. 
Harakat miqdorini hisobga olish uchun, avvalo, kuzatuvchilar tanlab olinadi. 
Ular shu usul bilan tanishtirilib, maхsus hisob (1- sonli) varaqasi bilan ta’minlanadilar. 
Harakat miqdorini hisobga olish bir oyda 3 yoki 6 marta 8 soatdan bajariladi. 
Kuzatish davomida kunning butkul 24 soati qamrab olinishi kerak. Odatda harakat 
miqdorini hisobga olish oyning 4 va 19 kunlari oralig‘ida bajariladi. Avtomobillarning 
soni har bir yo‘nalishi, turi bo‘yicha va har bir soat uchun alohida hisobga olinadi. 
O‘tayotgan transport vositalari soni hisob (1- sonli) varaqasida kuzatuvchilar 
tomonidan shartli raqamlar bilan qayd qilinadi. Qayd qilishning bu turi yozib borish 
uchun va keyingi hisob uchun iхcham va qulaydir.
Harakat miqdorini hisobga olish avtomobil yo‘lining har хil joylarida: 
to‘g‘ri uchastkalarida, chorrahalarda, shaharlarga va yirik aholi punktlariga kiraverish 
joylarida, yo‘llarning ayrilishida va shu kabi yo‘l bo‘laklarining har ikkala yo‘nalishi 
bo‘yicha bajariladi. 
Hisobga olish punktlari soni harakat miqdoriga, tarkibiga va yo‘lning ajralish 
joylaridagi tarmoqlanishiga hamda yo‘l tugunining murakkablik darajasiga bog‘liqdir.
 
 

---

1-sonli hisob varaqasi 
Transport vositalarining harakat miqdori va tarkibi to‘g‘risidagi ma'lumotlar. 
Avtomobil yo‘li____________________________________ 
Hisobga olish punktlari______________________________ 
Hisobga olish kuni__________________________________ 
Haftaning kuni_____________________________________ 
Hisob vaqti: boshlandi____ tugatildi__________
Harakat yo‘nalishi___________Hisobchining F.I.SH.__________