Kirish qo‘llanmadan foydalanish yo‘riqnomasi

MUNDARIJA

1. 
   Kirish ……………………………………………………………………………..
   
2. 
   Qo‘llanmadan foydalanish yo‘riqnomasi …………………………
   
3. 
   O‘qitishning uslubiy texnologiyalari ………………………………..
   
4. 
   An’anaviy dars namunasi ………………………………………………
   
5. 
   Onlayn uslubdagi dars namunasi ………………………………
   
6. 
   Blended Learning (aralash) usuldagi dars namunasi …..
   
7. 
   “Informatika va axborot texnologiyalari” faniga qo’yiladigan talablar ……………….
   
8. 
   5-sinf yillik ish rejasi ……………………………………………………
   
9. 
   Dars ishlanmalari va metodik ko‘rsatmalar………………….
   
10. 
    Baholash tizimi
    
11. 
    Foydalanilgan adabiyotlar ……………………………………………..
    

K I R I S H

Aziz uztozlar! Mazkur qo‘llanma 5-sinflarda ilk bor fan sifatida kiritilayotgan “Informatika va axborot texnologiyalari” darsligi asosida faoliyat yurituvchi o‘qituvchilar uchun metodik yordam sifatida yaratilgan.

O‘zbekiston Respublikasi Prezidentining 2019-yil 29-apreldagi PF-5712-son Farmoni asosida qabul qilingan “O‘zbekiston Respublikasi Xalq ta’limi tizimini 2030-yilgacha rivojlantirish konsepsiyasi” asosida bir qator reja va loyihalar ishlab chiqildi.
Xususan, umumiy o‘rta ta’lim muassasalari uchun yangi avlod darsliklarini yaratish, ularni jahon standartlariga moslashtirish konsepsiyalari ishlab chiqildi. Bu konsepsiya asosida “Informatika va axborot texnologiyalari” fanini o‘qitishning asosiy vazifalari belgilab berildi:
– “Informatika va axborot texnologiyalari” fanini o‘qitishning zamonaviy shakl, usul va texnologiyalarini qo‘llash;
– o‘quvchilar masofadan turib yangi bilimlarni egallashi, doimiy ravishda o‘z ustida ishlashi uchun tizim yaratish va uni yo‘lga qo‘yish;
– ta’lim jarayonida tayanch bilim, ko‘nikma, malaka va kompetensiyalarni doimiy nazorat qilib turish, o‘quvchilar qobiliyatiga qarab kasbiy yo‘naltirish ishlarini olib borish.
Davlatimiz tomonidan barcha fanlar qatori “Informatika va axborot texnologiyalari” faniga katta e’tibor berilib, uning rivojlanishiga zamin yaratish maqsadida hammamizga ma’lum global o‘zgarishlar davri boshlandi.
2020-yil dunyo xalqlari taqdiriga bitilgan pandemiya muammosi natijasida barcha boshqaruv, ishlab chiqarish, ta’lim strukturalari yangicha – onlayn texnologiyalari asosida ishlashga o‘tdi.
Bu borada ta’lim tizimi oldida katta muammo paydo bo‘di: uy sharoitida o‘quvchilarga bilim berish va ularni nazorat qilishni qanday yo‘lga qo‘yish mumkin?
Yurtboshimiz va hukumatimizning kelajakni ko‘ra bilishi, raqamli tizimga o‘tish siyosatini keng lo‘lamda olib borishi hamda yangi avlod darsliklarni yaratish borasida boshlagan sa’y-harakatlari natijasida muammolar tezrkorliik bilan bartaraf etilmoqda.
Yangi avlod darsliklari aynan shunday sharoitlarda o‘quvchilar mustaqil bilim olishi, o‘qituvchilarga kompleks metodik yordam berish uchun yaratildi va yaratilmoqda.
Bu darsliklar o‘z ichiga dars berishning quyidagi usullarini qamrab oladi:
– an’anaviy;
– onlayn;
– aralash (blended learning).
Maktablarda informatika fanini o‘qitish endi yangi yo‘nalish: an’anaviy usul + masofaviy ta’limga mo‘ljallangan kompleks dastur asosida amalga oshiriladi. Bularga:

• 
  darslik, metodik qo‘llanma;
  
• 
  taqdimot va videolar;
  
• 
  mashqlar to‘plami;
  
• 
  testlar to‘plami;
  
• 
  internet manbalar;
  
• 
  dasturlar paketi;
  
• 
  web-sayt (www://dr.rtm.uz);
  
• 
  onlayn maktab kiradi.