Калий хлорид ва нитрат кислота ёки азот оксидларидан калий нитрат олиш

Калий хлорид ва нитрат кислота ёки азот оксидларидан калий нитрат олиш
Жихозларнинг юқори даражада коррозияланиши ва қўшимча махсулотлар НС1, Cl₂, HNO₃ ни тутиб колиш ва ишлатилишидаги қийинчиликлар сабабли саноатда кам қўлланиладиган бу усулда камёб ишқор ва кўп микдордаги буғ талаб этилади.
Калий хлориднинг нитрат кислота ёки азот оксидлари билан реакцияси қуйидаги схемалар бўйича боради:

КС1 + НNОз = КNОз + НС1 (1)

ЗНС1 + НNОз = NОCl₃ + Сl₂ + 2Н₂O (2)
2КС1 + ЗNОз + Н₂О = 2КNОз + 2НС1 + NO (3)
НС1 + 2NO₂ = НNОз + NОС1 (4)

Нисбатан паст хароратда (25-60°С) реакция (1) чапдан унгга боради. Реакция (2) нинг қайтарлиги осон, паст хароратда бошланади; 100°С хароратда мувозанат деярли тўла N0Cl ва С1₂ томонга силжийди.

Нитрозил хлорид NОCl ва хлорнинг хосил бўлиши эритма концентрацияси ва хароратнинг кўтарилишига боғлиқдир. 30-40% ли нитрат кислота ишлатилганда ва 60°С дан паст хароратда азотнинг нитрозил хлорид тарзида йўқотилиши унчалик кўп бўлмайди ва хлор эритмада НС1 шаклида тўпланади. Эритма совутилганда ундаги КNО₃ нинг анчагина қисми ажралиб чиқади, қолган эритма циклга қайтарилиши мумкин. Бунда ундан водород хлоридни хайдалиши керак. Хайдалган буғни хлорид кислота тарзида конденсатланади.
Реакция (1) бўйича КNОз олишни органиқ эритувчилар — бутил, изоамил спиртлари ва бошқалар мухитида амалга оширилиши хам мумкин, бунда органик эритувчилар регенерациялаб турилади.
КС1 ва нитрат кислотадан NОCl хосил килинмаган холда хам КNО₃ олиш усуллари яратилган. Масалан, нисбатан (100°С дан) паст хароратда сувли шароитда борадиган қуйидаги реакция тенглама билан ифодаланувчи жараёндан фойдаланиш таклиф этилган:
(Na₂S0₄ + 2КС1) + СаСОз + 2НNОз + Н₂0 = СаS0₄*
2Н₂0 + 2NаС1 + C0₂ + 2КNО₃ ёки 300-700°С хароратда калий хлоридни дастлаб ортиқча микдордаги фосфат кислота (НС1 ни хайдалиши) билан парчалаш, сўнгра фосфат кислотани жараёнга қайтариш орқали калий фосфатни нитратга конверсиялашни амалга ошириш мумкин:

КС1 + 2НзР0₄ = КН₂Р0₄ + НзР0₄ + НС1 КН₂Р0₄ + НзР0₄ + HNОз = КNО₃ + 2Н_зР0₄