Jamiyetlik birlespeler ham galaba xabar qurallarinin jumisi

Do’gerek jumi’si’
Sa’ne: ______________
Pa’n mug’allim: Yusupov Ko’shkinbay
Waqit: 45 minut
Tema: Ja’miyetlik birlespeler ha’m g’alaba xabar qurallarinin’ jumisi
Sabaqtin’ maqseti:
Bilim beriwshi: Demokratiyaliq ma’mlekettegi ideologiyaliq ha’m siyasiy ko’z-qaraslardin’ ha’r qiylilig’i, demokratiyanin’ quram bo’legi sipatinda ja’miyetlik birlespelerdin’ jumisi, g’alaba xabar qurallarinin’ jumis prinsipleri haqqinda tu’sindiriw
Ta’rbiyaliq: Oqiwshilarda o’z huqiqlarin qorg’ay aliw ha’m huqiq buziwshiliq jag’daylari ushirasqanda h’areket etiw ko’nlikpelerin payda etiw.
Rawajlandiriwshi maqset: Nizam, qarar, pa’rman, konstituciya, buyriq, bul atamalar qanday halatlarda qollanilatug’inlig’i haqqinda aytiw ha’m pikirlesiw
Sabaq o’tiw usillari: Sa’wbetlesiw, awizeki, ko’rgizbeli
Sabaqti qurallandiriw: Oqiwliq, kitaplar, test sorawlari jazilg’an qiyma qag’azlar.
Sabaqtin’ barisi:

1. 
   Sho’lkemlestiriw bo’limi:
   

Oqiwshilardi sabaqqa tayarlaw, oqiwshilardin’ sabaqqa qatnasin barlaw.

2. 
   O’tilgen temani bekkemlew ha’m ta’kirarlaw.
   

“Ozbekistan Respublikasi puxaralarinin’ konstituciyaliq minnetleri” temasin oqiwshilardan soraw, olarg’a tema boyinsha qosimsha sorawlar beriw.
Sorawlar:

1. 
   Konstituciyada puxaralardin’ minnetleri nelerden ibarat?
   
2. 
   Ne ushin huqiqlar minnetlersiz bolmaydi?
   
3. 
   Nizamlarg’a boysinbag’ani ushin jas o’spirimlerge qanday ha’kimshilik ha’m jinayiy juwapkershilik qollaniliwi mu’mkin?
   
4. 
   Konstituciya boyinsha puxaralardin’ en’ basli minneti ne?
   
5. 
   Qorshag’an ortaliqqa abaylap qatnas jasaw haqqinda qaysi statyada jazilg’an?
   

III. Taza temani tu’sindiriw:
Tema: Ja’miyetlik birlespeler ha’m g’alaba xabar qurallarinin’ jumisi
Ja’miyetlik birlespeler- bul o’z ma’pleri ha’m tilekleri, o’z qa’biletleri ha’m talantlarin ko’rsetiw imkaniyatinan kelip shiqqan halda ha’r qiyli toparlarg’a birlesiw joli menen ja’miyetlik turmista qatnasiw ushin elimiz xalqi birlespelerinin’ a’melde payda boliwi.
Ja’miyetlik birlespeler to’mendegi formalarda ha’reket etedi: ja’miyetlik sho’lkemler; massaliq ha’reketler; ja’miyetlik qorlar ha’m basqa hu’kimetlik emes mekemeler.
O’zbekistan Respublikasinda minaday ja’miyetlik sho’lkemler bar, atap aytqanda, O’zbekstan Hayal-qizlar komiteti, “Salamat awlad ushin” Xaliqaraliq qori, “Kamalot” jaslar ja’miyetlik ha’reketi, “Sen jalgiz emessen’” Respublika jama’a’tshilik balalar qori, “Nuraniy” veteranlar ken’esi, “Ma’halle” qori ha’m basqalar.
Ma’mleketlik sho’lkemler menen bir qatarda elimiz xalqinin’ huqiqlarin qorg’aytugin ka’siplik awqamlar elimizdegi en’ g’alabaliq ja’miyetlik birlespeler bolip tabiladi. Bu’gingi ku’nde ka’siplik awqam sho’lkemleri ma’mleketlik basqariw organlarinan g’a’rezsiz bolip tek xizmetker ha’m ja’miyet ma’pleri paydasi ushin jumis alip baradi.
Barliq ja’miyetlik birlespeler o’z ustavlari tiykarinda ha’m O’zbekistan Respublikasinin’ ha’rekettegi nizam-hu’jjetleri shen’berinde jumis alip baradi. Ideologiyaliq plyuralizmnin’ a’hmiyetli qag’iydalarinan biri du’nyaliq harakterdi ma’mleketimiz ta’repinen ta’n aliniwi esaplanadi. Bul narse qanday da bir din ma’mleket dini yamasa ma’jburiy diniy isenim sipatinda ornatila almaytug’inlig’i, diniy sho’lkemler ma’mleketten bo’lingenin ha’m nizam aldinda ten’ ekenligin an’latadi.
O’zbekstan Respublikasi Konstituciyasina ha’m O’zbekistan Respublikasinin’ “G’alaba xabar qurallari haqqinda” g’i Nizamina muwapiq, ha’r bir puxarag’a so’z erkinligi: radio arqali, baspaso’zde, televideniede ha’m basqa g’alaba xabar qurallarinda shig’iw, o’z pikiri ha’m isenimin a’shkara bayan etiwge huqiq berilgen.

3. 
   Taza temani bekkemlew:
   

Aqiliy hu’jim:

1. 
   Ja’miyetlik birlespeler ne ushin kerek?
   
2. 
   Ja’miyetlik birlespelerdin’ ma’mleketlik organlardan ayirmashilig’i qanday?
   
3. 
   So’z ha’m baspa so’z erkinligi qanday tu’rde ja’miyetke unamsiz ta’sir ko’rsetiwi mu’mkin?
   
4. 
   O’zbekistan Respublikasinda qanday partiyalar ha’m ja’miyetlik birlespelerdi sho’lkemlestiriw qadag’an etilgen?
   
5. 
   Cenzura dep nege aytiladi?
   

4. 
   Oqiwshilardin’ juwaplarin bahalaw.
   

4. 
   U’yge tapsirma beriw:
   

“Ja’miyetlik birlespeler ha’m g’alaba xabar qurallarinin’ jumisi” temasin oqip keliw, g’alaba xabar qurallarinan ja’miyetlik birlespeler haqqinda berilgen mag’liwmatlar jazip kelilw.