Ixtiologik tadqiqot uslublari faniga kirish Reja

Ixtiologik tadqiqot uslublari faniga kirish

Reja:

1. 
   Ixtiologik tadqiqotlarning maqsadi va vazifalari
   
2. 
   Ixtiologik tadqiqotlarda ishlatiladigan metodlar va ov qurollari
   
3. 
   Fargona vodiysi suv xavzalarining tavsifi
   

Ixtiologiya fani baliqlar hayotini, kelib chiqish va rivojlanish qonuniyatlarini o‘rganuvchi fan bo‘lib biologiya fanlar tizimida alohida o‘rinda turadi.

Hozirgi dolzarb masalalardan biri tabiiy suv havzalaridagi turlarni tahlildan o‘tkazish, kamyob turlarni o‘rganish, akvakultura baliqchiligi bilan bog‘liq baliq resurslaridan foydalanish kabi masalalarini hal etishdan iborat.
O‘lkamiz sharoiti, ayniqsa hayvonot dunyosi xilma – xil bo‘lib, keyingi yillarda uni o‘rganish, biologik xilma-xillikni saqlash va baliqchilikni rivojlantirish masalalariga katta e’tibor qaratilmoqda.
Prezidentimizning 2018 yil 6- noyabrdagi “Baliqchilik sohasini yanada rivojlantirishga doir qo‘shimcha chora-tadbirlar to‘g‘risida”gi qarori tarmoq rivojida muhim ahamiyat kasb etdi. Respublikamizda birinchi marta baliqchilik sohasini rivojlantirishning xuquqiy tizimi to‘liq yo‘lga qo‘yilib, ichki bozorni sifatli va arzon baliq mahsulotlari bilan to‘ldirish masalasi ustivor vazifa qilib belgilandi.
Baliq go‘shti parxez taomlar qatoriga kirib, unda boshqa oziq-ovqat mahsulotlari tarkibida uchramaydigan ixtiulin, skumbrin kabi oqsillar, yog‘lar, uglevodlar bo‘lishi bilan birga, “A” darmondorisiga boy va organizmda tez hazm bo‘ladigan mahsulot bo‘lganligi uchun, baliq resurslaridan keng foydalanishga alohida e’tibor qaratilib, karpsimon- larga mansub o‘txo‘r baliqlarni urchitish dolzarb masalaga aylandi
Aholining ratsional oziqlanashi uchun oqsil, yog‘, uglevod, vitaminlar (A,D,V,S), mineral moddalar (fosfor, temir, yod) nihoyatda zarur bo‘lib, ularning barchasi baliq mahsulotida mavjuddir. Shuning uchun ham baliq insoniyat hayotida muhim ahamiyatga ega bo‘lgan ozuqa turlaridan biri hisoblanadi.
Keyingi yillarda Respublikamizning ichki suv havzalarida – ko‘llar, xovuzlar, suv omborlarida hamda sun’iy baliqchilik havzalarida baliq yetishtirish yo‘lga qo‘yildi.
Tabiiy suv havzalardagi umumiy baliq zahiralarining kamayib ketishi bunga asos bo‘ladi va yangi soha akvakultura shakllandi.
Baliqlarning odam hayotidagi ahamiyati nihoyatda katta. Jahonning turli mamlakatlari aholisining oqsil ratsionida baliq 17-83% ni tashkil qiladi. Baliqdan ovqat mahsulotlaridan tashqari, vitaminlar, em uni, o’g’it va boshqalar tayyorlanadi.
Baliq – odam tomonidan suvdan olinadigan asosiy biologik mahsulotdir; uning (massa hisobida bo’lgan) ahamiyati 85% ga yaqin. Baliqlarning asosiy qismi (90% ga yaqin) dengizlardan ovlanadi. Bulardan planktonofaglar (65%), (25%) nektonofaglar va bentofaglar (10% ga yaqin) asosiy ahamiyatga ega.
Ixtiologik tadqiqot metodlari: