Huzuridagi davlat va jamiyat qurilishi akademiyasi

---

 

O„ZBEKISTON RESPUBLIKASI PREZIDENTI 

HUZURIDAGI DAVLAT VA JAMIYAT QURILISHI 

AKADEMIYASI 

 

O„ZBEKISTONNING YANGI TARIXI MARKAZI

 

 

Narzulla Jo„rayev 

 

 

 

 

 

 

O„ZBEKISTON TARIXI 

 

(milliy istiqlol davri) 

 

 

 

 

 

 

 

 

 

 

 

 

 

“Sharq” nashriyoti matbaa aktsiyadorlik kompaniyasi bosh tahririyati 

 

TOSHKENT 2011 

---

 

2 

 

 

 

 

 

 

 

Tahrir hay‟ati: 

Anatoliy Sagdullayev, Najmiddin Komilov, Nazira Abduazizova, 

Anvar Yaxshiyev, Fatxulla Ergashev 

 

 

 

 

Mas‟ul muharrir: 

Nazira ABDUAZIZOVA - Tarix fanlari doktori, professor, 

O‟zbekistonda xizmat ko‟rsatgan yoshlar murabbiysi 

 

 

 

 

Taqrizchilar: 

Nazira Abduazizova, Rustam Jumayev, Sayfiddin Jo„rayev, Tohir 

Malikov, Sultonmurod Olimov, Akmal Saidov, Ibrohim G„afurov

 

 

 

 

 

 

 

 

 

 

 

 

 

 

 

 

---

 

3 

KIRISH

 

 

Mustaqillik  yillari  ijtimoiy-siyosiy  jarayonlarning  tezkorligi,  voqea  va 

hodisalarning  shiddatliligi,  olam-u  odam  taqdiriga  daxldor  bo„lgan  dunyoviy 

muammolar-u  serqirra  hayotning  barcha  jabhalarini  qamrab  olgan  umumiy 

qarashlarimizdan tortib, eng kichik, eng shaxsiy yumushlarimizgacha bo„lgan barcha 

hodisalarni o„zida mujassam etadi. 

Tabiiyki,  bunday  yalpi  yangilanishlar  jarayoni  ijtimoiy-gumanitar  fanlar  qatorida 

tarix  fani  oldiga  ham  yangi  vazifalar  qo„yadi.  Tadqiqotchilar  birinchi  navbatda 

xalqimizning  mustaqillikka  erishish  yo„lidagi  asrlar  osha  olib  borgan  tinimsiz 

kurashini,  uni  qo„lga  kiritish  yo„llari  va  vositalarini,  milliy  davlatchilik  qurilishiga 

doir  tajribani,  mustaqillikni  mustahkamlashning  siyosiy,  iqtisodiy,  ijtimoiy  va 

ma‟naviy  omillarini  o„rganish  va  milliy  g„oyani  yaratish  kabi  bir  qator  muhim 

muammolarni har tomonlama mushohada qilmoqlari lozim. 

2000-yil  6-aprel  kuni  Oq  saroyda  mamlakat  Prezidenti  bir  guruh  olimlar, 

faylasuflar, tarixchilar va mutaxassislar bilan uchrashib, milliy g„oya, uning jamiyat 

taraqqiyotidagi o„rni va zarurati haqida batafsil gapirdi va «Tarixiy xotirasiz kelajak 

yo„q», – degan qat‟iy xulosaga keldi. 

2007-yil  30-avgust  kuni  O„zbekiston  Respublikasi  Oliy  Majlisi,  Vazirlar 

Mahkamasi  va  Prezident  devonining  Mustaqillikning  16  yilligiga  bag„ishlangan 

qo„shma  majlisida  Prezident  I.A.Karimov  «O„zbekistonning  16  yillik  mustaqil 

taraqqiyot  yo„li»  mavzuida  ma‟ruza  qildi.  Unda  O„zbekiston  mustaqilligi  tasodifiy 

hodisa  emasligi,  u  o„ziga  xos kurashlar,  ziddiyatlar,  iztiroblar  bilan  birga  juda katta 

tarixiy  yutuq  ekanligini  alohida  ta‟kidladi.  Shu  bilan  birga  ushbu  davr  fanda  butun 

ko„lami  va  salmog„i  bilan  yetarli  darajada  o„rganilmaganligini  alohida  ta‟kidladi  va