2020 й. « 6 » апрель № 09/1089-17 «____» ___________20___г.
Ўзбекистон Республикаси
Олий ва ўрта махсус таълим
вазирлиги
Ўзбекистон Республикаси Бош вазири ўринбосари томонидан 2019 йил 26 декабрда тасдиқланган “Ижтимоий соҳа вазирликлари тизимида 2020 йилда бюджет харажатларини мақбуллаштириш бўйича чора-тадбирлар режаси”нинг Олий ва ўрта махсус таълим вазирлиги тизимига оид 5-банди ижроси бўйича Тошкент давлат юридик университетида амалга оширилаётган ишлар ҳақида маълумот тақдим этилмоқда.
Илова: 1 варақда.
Ўқув ишлари бўйича
проректор И.Рустамбеков
Ижрочи: А.Тошпулатов
Тел.: 71 233-66-36 (1025)
Илова
Ижтимоий соҳа вазирликлари тизимида 2020 йилда бюджет харажатларини мақбуллаштириш бўйича чора-тадбирлар режаси”нинг Олий ва ўрта махсус таълим вазирлиги тизимига оид 5-банди ижроси бўйича Тошкент давлат юридик университетида амалга оширилаётган ишлар ҳақида маълумот
Ушбу чора-тадбирлар режасиринг 5-бандида ўқув жараёнини босқичма-босқич кредит-модуль тизимига ўтказиш ва ўқув режаларидаги фанларни оптималлаштириш вазифаси қўйилган.
Тошкент давлат юридик университетида ўқитишнинг модуль-кредит тизимига ўтиш бўйича тайёргарлик ишлари бир неча йиллардан бери амалга ошириб келинмоқда. Ўзбекистон Республикаси Президентининг 2017 йил
28 апрелдаги “Тошкент давлат юридик университетида кадрлар тайёрлаш тизимини тубдан такомиллаштириш ва самарадорлигини ошириш чора-тадбирлари тўғрисида” ПҚ–2932-сон қарорида модул тизими ва ўқитишнинг инновацион методларини ривожлантириш, ўқув жараёнида ахборот-коммуникация технологияларини кенг қўллаш, талабалар, ўқитувчилар ва ёш тадқиқотчиларни глобал ахборот-ҳуқуқий ва таълим ресурсларидан фойдаланиш имкониятларини кенгайтириш, амалиёт, стажировка ўтиш тартибини такомиллаштириш, шунингдек, клиник таълимни жорий этиш; ижобий халқаро тажрибани янада қўллаш, шу жумладан талабалар ўқув юкламаси ҳажмини аниқлашнинг шартли бирликлари (кредитлар)ни ўтказиш ва жамлаш тизимини жорий эти вазифалари белгиланган эди. Ушбу вазифалар ижроси юзасидан ўқув режалар қайтадан кўриб чиқилиб, фанлар оптималлаштириб келинди. Жумладан, 2019/2020 ўқув йили учун тасдиқланган ўқув режада бакалавриат таълим йўналиши учун 29 та фан
(4 йилда) ўқитилиши белгиланди, магистратура мутахассисликларда ўқиш муддати икки йилдан бир йилга қисқартирилди.
2020 йил январь ойида университетда кредит тизимига ўтиш учун тайёргарлик ишларини олиб бориш мақсадида алоҳида ишчи гуруҳ тузилди. Ишчи гуруҳ томонидан Европа, Буюкбритания, АҚШ, Япония ва Жанубий Кореянинг нуфузли университетларидаги кредит тизими, ўқув жараёни ташкил қилиниши, ўқув дастурлари (силлабус) лар ўрганилди. Ўрганиш натижалари бўйича 2020/2021 ўқув йилидан Европа кредит тизими ECTS (European Credit Transfer and Accumulation System) ва фанларнинг танлов асосида ўқитилиш механизми жорий этилади ва шунга асосан давлат таълим стандартлари, малака талаблари, ўқув режалари ва фан дастурлари қайта ишлаб чиқилади. Бунда ихтисослик ва махсус фанлар юкламаларига асосий эътибор қаратилади.
Шунингдек, университет фаолияти, ўқув жараёни, жумладан имтиҳон жараёнлари тўлиқ электрон тизимга ўтказилиб “Электрон университет” лойиҳаси жорий этилиши ҳам иш юритиш тизимидаги харажатларни мақбуллаштиришга хизмат қилади.
Do'stlaringiz bilan baham: |