Guldu filologiya fakulteti, 38-20- guruhning yig‘ilishi bayonnomasi

GulDU Filologiya fakulteti, 38-20- guruhning yig‘ilishi

BAYONNOMASI

27.11.2020 Guliston shahri

2020-yil 2-noyabr kuni 38-20-guruhning birinchi yig‘ilishi bo‘lib o‘tdi. Yig‘ilishda guruh talabalari ishtirok etdi va quyidagi masalalar ko‘rildi:

1. Talabalarni Respublikada yuz berayotgan siyosiy-iqtisodiy va ma’naviy yangiliklardan onlayn xabardor qilish; Hemis va newmoodle dasturlari va yangi normativ hujjatlar bilan tanishtirish;

2.“Sen-qudrat manbayi, saodat maskani, Jonajon O‘zbekistonim!” mavzusida suhbat o‘tkazish.

3. Vatanparvarlik fazilati haqida suhbatlashish.

4. Badiiy adabiyotlar bilan tanishtirish.

1-masala yuzasidan vaqtincha guruh rahbari Y.Xodjiyev talabalarni Respublikada yuz berayotgan siyosiy-iqtisodiy va ma’naviy yangiliklardan onlayn xabardor qildi. So‘ngra bu yilgi newmoodle va Hemis dasturlari bilan tanishtirdi.

2-masala yuzasidan murabbiyi “Sen-qudrat manbayi, saodat maskani, Jonajon O‘zbekistonim!” mavzusida onlayn o‘qidi. U o‘z ma’ruzasida Vatan tushunchasi haqida iliq va teran fikrlar bildirdi va Vatanga munosib bo‘lish uchun unga sovg‘a sifatida o‘qishda peshqadam bo‘lishga chaqirdi. Guruh talabalarining o‘qishda, jamoat ishlarida, ilmiy konferensiyalarda ishtirok etib, faol bo‘lishga chorladi.

3-masalada guruh rahbari Y.Xodjiyev talabalarga vatanparvarlik fazilati haqida batafsil ma’lumot berdi, bu fazilatning ziddi bo‘lgan vatansizlik va vatanga xiyonat kabi illatlar haqida ta’kidladi. So‘ngra Vatan haqida hadis, maqol, hikmatli so‘z va samimiy tilaklar aytildi.

4-masala Badiiy adabiyotlar bilan tanishtirish bosqichida A.Avloniyning “Tukkiy Guliston yohud axloq”asarini o‘qish tavsiya etildi. Bu bo‘yicha talabalarga topshiriq berildi.